୬୦ ହଜାର କର୍ମଚାରୀଙ୍କୁ ସ୍ୱେଚ୍ଛାକୃତ ଅବସର ପାଇଁ ପ୍ରସ୍ତାବ ଦେଲା ମାଇକ୍ରୋସଫ୍ଟ

କମ୍ପାନୀର ଚିଫ୍ ପିପୁଲ ଅଫିସର ଆମି କୋଲମ୍ୟାନ୍ କର୍ମଚାରୀମାନଙ୍କୁ ପଠାଇଥିବା ଏକ ମେମୋରେ ଦର୍ଶାଇଛନ୍ତି ଯେ, ଏହି ଅଫର କର୍ମଚାରୀମାନଙ୍କୁ ନିଜର ଭବିଷ୍ୟତ ବିକଳ୍ପ ବାଛିବାରେ ସାହାଯ୍ୟ କରିବ। ସିଧାସଳଖ ଛଟେଇ ଏଡାଇବା, ନମନୀୟତା ଆଣିବା ଏବଂ କମ୍ପାନୀର ଆବଶ୍ୟକତା ଅନୁସାରେ ମାନବସମ୍ବଳକୁ ପରିଚାଳିତ କରିବା ଏହାର ମୁଖ୍ୟ ଲକ୍ଷ୍ୟ। ଏହି ସ୍ୱେଚ୍ଛାକୃତ ଯୋଜନାରେ କର୍ମଚାରୀଙ୍କ ବୟସ, କାର୍ଯ୍ୟକାଳ କିମ୍ବା ପରଫରମାନ୍ସକୁ କୌଣସି ପ୍ରତିବନ୍ଧକ କରାଯାଇ ନାହିଁ। ଯୋଗ୍ୟ କର୍ମଚାରୀମାନଙ୍କୁ ଡିସେମ୍ବର ପ୍ରଥମ ସପ୍ତାହ ସୁଦ୍ଧା ନିଜର ନିଷ୍ପତ୍ତି ଜଣାଇବାକୁ କୁହାଯାଇଛି ଏବଂ ଆବେଦନ ଗ୍ରହଣ ହେଲେ ସେମାନେ ଡିସେମ୍ବର ୩୧ ସୁଦ୍ଧା କମ୍ପାନୀରୁ ବିଦାୟ ନେବେ।