ବହିଷ୍କୃତ ଟିଏମସି ବିଧାୟକ ହେଲେ ବିରୋଧୀ ଦଳ ନେତା, ମମତାଙ୍କୁ ଶକ୍ତ ଧକ୍କା

କାରଣ ମମତା ଓ ତାଙ୍କ ପୁତୁରା ଅଭିଷେକ ବାନାର୍ଜୀ ମିଳିତ ଭାବେ ବରିଷ୍ଠ ନେତା ଶୋଭନଦେବ ଚଟ୍ଟୋପାଧ୍ୟୟ ବିରୋଧୀ ଦଳ ନେତା ଭାବେ ନିଯୁକ୍ତ କରିଥିଲେ। ଏନେଇ ବିଧାୟକଙ୍କ ଦସ୍ତଖତ ଥିବା ଗୋଟିଏ ଦାବିପତ୍ର ବିଧାନସଭା ସଚିବଙ୍କ ପାଖରେ ଦାଖଲ କରାଯାଇଥିଲା। କିନ୍ତୁ ବିଧାୟକଙ୍କ ଦସ୍ତଖତରେ ଜାଲିଆତି ଅଭିଯୋଗ ହୋଇଛି। ଏଥିପାଇଁ ଟିଏମସି ପକ୍ଷରୁ ରିତାବ୍ରତ ବାନାର୍ଜୀ ଓ ସନ୍ଦିପନ ସାହାଙ୍କୁ ଟିଏମସି ବହିଷ୍କାର କରାଯାଇଥିଲା।ନିଲମ୍ବନ ପରେ ଦଳ ଭିତରେ ବିଭାଜନ ଦେଖାଦେଇଛି। ରବିବାର ଆୟୋଜିତ ବିଧାୟକ ଦଳ ବୈଠକରେ ମାତ୍ର ୨୦ଜଣ ବିଧାୟକ ଉପସ୍ଥିତ ଥିଲେ। କଲକାତାର ରାଣୀ ରାସମୋନି ରୋଡ୍‌ରେ ମମତା ତାଙ୍କର ବିକ୍ଷୋଭ ପାଇଁ ପ୍ରଥମେ ପୁଲିସ ଠାରୁ ଅନୁମତି ମାଗିଥିଲେ। ମାତ୍ର ପୁଲିସ ଏଠାରେ ବିକ୍ଷୋଭ ପାଇଁ ଅନୁମତି ଦେଇ ନଥିଲା। ପରେ କଲକାତାର ଏସ୍‌ପ୍ଲାନେଡ୍ ଠାରେ ମମତା ବିକ୍ଷୋଭ ପ୍ରଦର୍ଶନ କରିଥିଲେ। ଟିଏମସିର ବିଧାୟକମାନେ ମମତାଙ୍କ ଶୋଭାଯାତ୍ରାରେ ଯୋଗ ଦେଇ ନଥିବାବେଳେ ସେମାନେ ଅନ୍ୟତ୍ର ଗୁପ୍ତ ବୈଠକ କରିଥିବା ଜଣାଯାଇଛି। ଦଳର ପ୍ରାୟ ୫୦ ବିଧାୟକ ଏକ ହୋଟେଲରେ ଏକତ୍ର ହୋଇଥିବା ନେଇ ଦଳର ନିଲମ୍ବିତ ଜାତୀୟ ମୁଖପାତ୍ର ରିଜୁ ଦତ୍ତ ଦାବି କରିଛନ୍ତି। ଏହି ବିଧାୟକମାନେ ଟିଏମସିର ଦଳୀୟ ଚିହ୍ନ ଦାବି କରିବା ପୂର୍ବକ ଟିଏମସିରେ ବିଭାଜନ କରିବାକୁ ଯୋଜନା ଚଳାଇଛନ୍ତି। ୧୯୯୮ରେ ଦଳ ଗଠନ କରିଥିବା ମମତା ପ୍ରଥମ କରି ଅନ୍ତକନ୍ଦଳର ସମ୍ମୁଖୀନ ହେବାକୁ ଯାଉଛନ୍ତି।