ମୋଦିଙ୍କ ମନ କି ବାତ୍ରେ ସ୍ଥାନ ପାଇଲା କେନ୍ଦୁଝର ସଂକୀର୍ତ୍ତନ ମଣ୍ଡଳୀଠୁ ଆରମ୍ଭ କରି ମୟୂରଭଞ୍ଜର ସାନ୍ତାଳୀ ଶାଢୀ
ନୂଆଦିଲ୍ଲୀ/ଭୁବନେଶ୍ବର: ପ୍ରଧାନମନ୍ତ୍ରୀ ମୋଦି ଆଜି ‘ମନ କି ବାତ’ର ୧୨୪ତମ ଏପିସୋଡ୍ ମାଧ୍ୟମରେ ଦେଶବାସୀଙ୍କୁ ଉଦବୋଧନ ଦେଇଛନ୍ତି । ଏହି ଅବସରରେ ଦେଶବାସୀଙ୍କ ସମ୍ମୁଖରେ ବିଭିନ୍ନ ପ୍ରସଙ୍ଗ ନେଇ ମୋଦି ନିଜର ମତ ରଖିଥିବା ବେଳେ ଏଥିରେ ଓଡିଶାର କେନ୍ଦୁଝର ଜିଲ୍ଲାର ସଂକୀର୍ତ୍ତନ ମଣ୍ଡଳୀ ଏବଂ ମୟୂରଭଞ୍ଜ ଜିଲ୍ଲାର ସାନ୍ତାଳୀ ଶାଢୀ ସ୍ଥାନ ପାଇଥିଲା ।
ଏହାକୁ ନେଇ ମୋଦି କହିଛନ୍ତି, ଅଗଷ୍ଟ ମାସ ହେଉଛି ବିପ୍ଳବର ମାସ । ୭ ଅଗଷ୍ଟ ୧୯୦୫ରେ ଏକ ବିପ୍ଳବ ଆରମ୍ଭ ହୋଇଥିଲା। ସ୍ୱଦେଶୀ ଆନ୍ଦୋଳନ ସ୍ଥାନୀୟ ଉତ୍ପାଦ ଏବଂ ବିଶେଷକରି ହସ୍ତତନ୍ତକୁ ଏକ ନୂତନ ଶକ୍ତି ଦେଇଥିଲା। ଏହି ସ୍ମୃତିରେ, ଦେଶ ପ୍ରତିବର୍ଷ ୭ ଅଗଷ୍ଟରେ ‘ଜାତୀୟ ହସ୍ତତନ୍ତ ଦିବସ’ ପାଳନ କରେ। ଏହି ବର୍ଷ ୭ ଅଗଷ୍ଟ ‘ଜାତୀୟ ହସ୍ତତନ୍ତ ଦିବସ’ର ୧୦ ବର୍ଷ ପୂରଣ କରୁଛି। ଯେତେବେଳେ ଦେଶ ଏକ ବିକଶିତ ଭାରତ ହେବା ଆଡକୁ ଅଗ୍ରସର ହେଉଛି, ସେତେବେଳେ ବୟନ କ୍ଷେତ୍ର ବହୁତ ଯୋଗଦାନ ଦେଇଛି। ଏହି ୧୦ ବର୍ଷ ମଧ୍ୟରେ, ଏହି କ୍ଷେତ୍ର ନୂତନ କାହାଣୀ ଲେଖିଛି। ଓଡ଼ିଶାର ମୟୂରଭଞ୍ଜରେ ମଧ୍ୟ ସମାନ କାହାଣୀ ରହିଛି । ଆଦିବାସୀ ମହିଳାମାନେ ସାନ୍ତାଳୀ ଶାଢ଼ିକୁ ନୂତନ ଜୀବନ ଦେଇଛନ୍ତି। ମହିଳାମାନେ ସାନ୍ତାଳୀ ଶାଢ଼ିକୁ ପୁନର୍ଜୀବିତ କରୁଛନ୍ତି । ବୟନ କେବଳ ଭାରତର ଏକ କ୍ଷେତ୍ର ନୁହେଁ। ଏହା ଆମର ସାଂସ୍କୃତିକ ବିବିଧତାର ଏକ ଉଦାହରଣ। ଆଜି, ବୟନ ଏବଂ ପୋଷାକ ବଜାର ବହୁତ ଦ୍ରୁତ ଗତିରେ ବୃଦ୍ଧି ପାଉଛି, ଏବଂ ଏହି ବିକାଶର ସବୁଠାରୁ ସୁନ୍ଦର କଥା ହେଉଛି ଯେ ଗାଁର ମହିଳା, ସହରଗୁଡ଼ିକର ଡିଜାଇନର, ବୃଦ୍ଧ ବୁଣାକାର ଏବଂ ଆମର ଯୁବପିଢ଼ି ଷ୍ଟାର୍ଟ-ଅପ୍ ଆରମ୍ଭ କରୁଛନ୍ତି। ଆଜି, ଭାରତରେ ୩୦୦୦ ରୁ ଅଧିକ ବୟନ କମ୍ପାନୀ ସକ୍ରିୟ ଅଛନ୍ତି। ୨୦୪୭ ର ଏକ ବିକଶିତ ଭାରତର ପଥ ଆତ୍ମନିର୍ଭରଶୀଳତା ମଧ୍ୟ ଦେଇ ଗତି କରେ। ଏହା କେବଳ ଭୋକାଲ୍ ଫର ଲୋକାଲ ମାଧ୍ୟମରେ ହାସଲ କରାଯିବ । କେବଳ ତାହା କିଣନ୍ତୁ ଯାହା ଜଣେ ଭାରତୀୟଙ୍କ ଦ୍ୱାରା ତିଆରି ହୋଇଛି ।
ଏଥିସହିତ କେନ୍ଦୁଝର ସଂକୀର୍ତ୍ତନ ମଣ୍ଡଳୀ ନେଇ ପ୍ରଧାନମନ୍ତ୍ରୀ କହିଛନ୍ତି, ଓଡିଶାର କେନ୍ଦୁଝରରେ କିଛି ଉଲ୍ଲେଖନୀୟ ଘଟଣା ଘଟୁଛି। ‘ରାଧା କୃଷ୍ଣ ସଂକୀର୍ତ୍ତନ’ ନାମକ ଏକ ଗୋଷ୍ଠୀ ଅଛି। ଭକ୍ତି ଭାବ ସହିତ, ଏହି ଗୋଷ୍ଠୀ ପରିବେଶ ସଂରକ୍ଷଣକୁ ପ୍ରୋତ୍ସାହିତ କରୁଥିବା ମନ୍ତ୍ର ମଧ୍ୟ ଜପ କରୁଛି। ଏହି ପଦକ୍ଷେପ ପଛରେ ପ୍ରେରଣା ହେଉଛନ୍ତି ପ୍ରମିଳା ପ୍ରଧାନ। ତାଙ୍କ ଗୋଷ୍ଠୀ ଅନେକ ଗାଁ ପରିଦର୍ଶନ କରି ଜଙ୍ଗଲ ନିଆଁ ବିଷୟରେ ସଚେତନତା ପ୍ରସାର କରିଛନ୍ତି। ପ୍ରମିଳା ପ୍ରଧାନଙ୍କୁ ଭୂରି ଭୂରି ପ୍ରଶଂସା କରିଛନ୍ତି ପ୍ରଧାନମନ୍ତ୍ରୀ । କେନ୍ଦୁଝର ଜିଲ୍ଲାରେ ତାଙ୍କ ନେତୃତ୍ଵରେ ଏକ କୀର୍ତ୍ତନ ମଣ୍ଡଳୀ ଗ୍ରାମବାସୀଙ୍କୁ ସଚେତନ କରୁଛନ୍ତି । କୀର୍ତ୍ତନ ମଣ୍ଡଳୀ ଜରିଆରେ ଲୋକଙ୍କୁ ଜଙ୍ଗଲରେ ନିଆଁ ନ ଲଗାଇବା ପାଇଁ ସଚେତନ କରୁଛନ୍ତି । ଜଙ୍ଗଲରେ ନିଆଁ ଲାଗିଲେ ମିଶି ଲିଭାଇବା, ଜଙ୍ଗଲ ବିଭାଗକୁ ସାହାଯ୍ୟ କରିବା, ଦମକଳ ବିଭାଗକୁ ଖବର ଦେବା ଭଳି କାର୍ଯ୍ୟ କରିବା ପାଇଁ ଗ୍ରାମବାସୀଙ୍କୁ ସଚେତନ କରୁଛନ୍ତି । ରାମ ନାମ ଜରିଆରେ ପ୍ରମିଳା ସଚେତନ କରୁଥିବାରୁ ନରେନ୍ଦ୍ର ମୋଦୀ ପ୍ରଶଂସା କରିବାକୁ ଭୁଲି ନାହାଁନ୍ତି । ପ୍ରମିଳାଙ୍କ ଏହି ଉଦ୍ୟମ ସମାଜକୁ ନୂଆ ଦିଗ ଦେବା ସହିତ ପ୍ରେରଣାଦାୟୀ ବୋଲି କହିଛନ୍ତି ପ୍ରଧାନମନ୍ତ୍ରୀ ।
ଖାଲି ଏତିକି ନୁହେଁ, ମୋଦି ଆହୁରି ମଧ୍ୟ କହିଛନ୍ତି, ଗତ କିଛି ସପ୍ତାହ ମଧ୍ୟରେ କ୍ରୀଡା, ବିଜ୍ଞାନ କିମ୍ବା ସଂସ୍କୃତିରେ କିଛି ଏପରି ଘଟିଛି, ଯାହା ପାଇଁ ପ୍ରତ୍ୟେକ ଭାରତୀୟ ଗର୍ବିତ । ଏଥିସହିତ ସମ୍ପ୍ରତି ଶୁଭାଂଶୁ ଶୁକ୍ଳାଙ୍କ ପୃଥିବୀକୁ ଫେରିବା ବିଷୟରେ ଆଲୋଚନା ହୋଇଥିଲା କରିଥିଲେ । ଏତିସହିତ ୨୦୨୩ରେ ଚନ୍ଦ୍ରାଯାନ-୩ର ସ‘ଳତା ନେଇ ମଧ୍ୟ ଆଲୋକପାତ କରିଥିଲେ ମୋଦି ।
ଏଥିସହିତ ମୋଦି ୟୁନେସ୍କୋ ୧୨ଟି ଦୁର୍ଗକୁ ବିଶ୍ୱ ଐତିହ୍ୟ ସ୍ଥଳର ମାନ୍ୟତା ଦେବା, ବିହାର ସ୍ବାଧୀନତା ସଂଗ୍ରାମ ଖୁଦିରାମ ବୋଷ, ବୟନ ଶିଳ୍ପ ବୃଦ୍ଧି, ପାଣ୍ଡୁଲିପିଗୁଡ଼ିକୁ ଡିଜିଟାଇଜେସନ୍ କରାଯିବ, ଦେଶରେ ନୂଆ ପ୍ରଜାତିର ପକ୍ଷୀ, ମାଓବାଦୀ ସଂହାର, ସ୍ବଚ୍ଛ ଭାରତ ମିଶନ ପରି ଅନେକ ପ୍ରସଙ୍ଗ ନେଇ ଆଲୋଚନା କରିଥିଲେ ।
ଏହାବ୍ୟତୀତ ମୋଦି ଏହାବି କହିଥିଲେ, ଯେ, ଅଲିମ୍ପିକ୍ସ ପରେ, ବିଶ୍ୱ ପୋଲିସ ଏବଂ ଅଗ୍ନିଶମ ଗେମ୍ସ ହେଉଛି ସବୁଠାରୁ ବଡ଼ କ୍ରୀଡା ଇଭେଣ୍ଟ। ଏହା ସାରା ବିଶ୍ୱର ପୋଲିସ, ଅଗ୍ନିଶମ କର୍ମଚାରୀ, ସୁରକ୍ଷା କର୍ମୀଙ୍କ ମଧ୍ୟରେ ଏକ କ୍ରୀଡା ଟୁର୍ଣ୍ଣାମେଣ୍ଟ। ଏଥର ଏହି ଟୁର୍ଣ୍ଣାମେଣ୍ଟ ଆମେରିକାରେ ଅନୁଷ୍ଠିତ ହୋଇଥିଲା ଏବଂ ଭାରତ ଏଥିରେ ଇତିହାସ ସୃଷ୍ଟି କରିଥିଲା। ଭାରତ ପ୍ରାୟ ୬୦୦ ପଦକ ଜିତିଥିଲା। ଆମେ ୭୧ ଟି ଦେଶରେ ଟପ୍-3 ରେ ପହଞ୍ଚିଥିଲୁ। ଏହା ଜାଣିବା ମଧ୍ୟ ଆକର୍ଷଣୀୟ ହେବ ଯେ ଏହି ଖେଳଗୁଡ଼ିକ ୨୦୨୯ ରେ ଭାରତରେ ଅନୁଷ୍ଠିତ ହେବ। ସାରା ବିଶ୍ୱରୁ ଖେଳାଳିମାନେ ଆମ ଦେଶକୁ ଆସିବେ। ସମସ୍ତେ ସେମାନଙ୍କୁ ସେମାନଙ୍କର କ୍ରୀଡା ସଂସ୍କୃତି ସହିତ ପରିଚିତ କରାଇବେ। ଗତ କିଛି ଦିନ ମଧ୍ୟରେ, ମୁଁ ଅନେକ ଯୁବ ଖେଳାଳି ଏବଂ ସେମାନଙ୍କ ପିତାମାତାଙ୍କଠାରୁ ବାର୍ତ୍ତା ପାଇଛି। ଏଥିରେ, ‘ଖେଲୋ ଇଣ୍ଡିଆ ନୀତି ୨୦୨୫’କୁ ବହୁତ ପ୍ରଶଂସା କରାଯାଇଛି। ଏହି ନୀତିର ଲକ୍ଷ୍ୟ ସ୍ପଷ୍ଟ, ଭାରତକୁ ଏକ କ୍ରୀଡା ମହାଶକ୍ତି କରିବା।