ଚାଷୀଙ୍କୁ କଟନି ଛଟନିରୁ ନିସ୍ତାର ମିଳୁନାହିଁ। ବିଭିନ୍ନ କାରଣ ଓ ସମସ୍ୟା ଦେଖାଇ ଚାଷୀର ଧାନ କଟାଯାଉଛି । ଚଳିତ ଥର ମିଲର୍ସଙ୍କ ଦାବି ପାଇଁ ଯେଉଁ ଟେକ୍ନୋଲୋଜି VLTD ଗାଡ଼ିରେ ଲଗାଇବା ବ୍ୟବସ୍ଥା କରାଯାଇଛି ଓ ତାହା ଲାଗିଲେ ଧାନ ଉଠିବାରେ ଅସୁବିଧା ହେବ । କାରଣ ନେଟୱର୍କ କାମ ନ କଲେ ଗାଡ଼ି ଚାଲିବା ମୁସ୍କିଲ । ଚଳିତ ବର୍ଷ ଜିଲ୍ଲାରେ ୧ ଲକ୍ଷ ୨୩ ହଜାର ଚାଷୀ ରେଜିଷ୍ଟ୍ରେସନ୍ କରିଛନ୍ତି । ୧୭ ପ୍ରତିଶତ ଚାଷୀ ରେଜିଷ୍ଟ୍ରେସନ୍ ବଢ଼ିଛି । ହେଲେ ଧାନ କିଣା ଆରମ୍ଭରୁ କୌଣସି ଅସୁବିଧା ନ ହୋଇ ସୁରକ୍ଷିତ ଧାନ ରଖିବା ବ୍ୟବସ୍ଥା ଠାରୁ ମଣ୍ଡି ଓ ମିଲ୍କୁ ନେବା ପର୍ଯ୍ୟନ୍ତ ବ୍ୟବସ୍ଥା ଉପରେ ଗୁରୁତ୍ୱ ଦେବାକୁ ଦାବି ହୋଇଛି । ପ୍ୟାକ୍ସ ସେକ୍ରେଟାରୀ, ଜିଲ୍ଲା ଯୋଗାଣ ଅଧିକାରୀ ଏବଂ ଅନ୍ୟ ଅଧିକାରୀ ନଜର ରଖିବେ । ଭୁଲ୍ କଲେ କାର୍ଯ୍ୟାନୁଷ୍ଠାନ ନିଆଯିବ ବୋଲି ଜିଲ୍ଲାପାଳ କହିଛନ୍ତି ।