ମେକ୍ସିକୋରେ ୬.୫ ତୀବ୍ରତାର ଭୂମିକମ୍ପ, ୨ ମୃତ

ମେକ୍ସିକୋ: ମେକ୍ସିକୋର ଅନେକ ଅଞ୍ଚଳକୁ ଏକ ଶକ୍ତିଶାଳୀ ଭୂମିକମ୍ପ ଅନୁଭୂତ ହୋଇଛି । ଦକ୍ଷିଣ ଏବଂ ମଧ୍ୟ ମେକ୍ସିକୋରେ ଘଟିଥିବା ଏହି ଭୂମିକମ୍ପର ତୀବ୍ରତା ରିକ୍ଟର ସ୍କେଲରେ ୬.୪ ରହିଥିଲା, ଯାହାକୁ ଶକ୍ତିଶାଳୀ ଏବଂ ସମ୍ଭାବ୍ୟ ବିପଜ୍ଜନକ ବୋଲି ବିବେଚନା କରାଯାଉଛି। ଭୂମିକମ୍ପ ଏତେ ଶକ୍ତିଶାଳୀ ଥିଲା ଯେ ରାଷ୍ଟ୍ରପତି କ୍ଲାଉଡିଆ ଶେନବାମଙ୍କ ନୂତନ ବର୍ଷର ପୂର୍ବ ସନ୍ଧ୍ୟାରେ ସାମ୍ବାଦିକ ସମ୍ମିଳନୀକୁ ବନ୍ଦ କରାଯାଇଥିଲା ।

ଏପର୍ଯ୍ୟନ୍ତ ଦୁଇଜଣଙ୍କ ମୃତ୍ୟୁ ହୋଇଥିବା ଖବର ସାମ୍ନାକୁ ଆସିଛି । ଜାତୀୟ ଭୂକମ୍ପ ବିଜ୍ଞାନ ସେବା ଅନୁଯାୟୀ, ଭୂକମ୍ପର କେନ୍ଦ୍ରସ୍ଥଳ ଦକ୍ଷିଣ ରାଜ୍ୟର ଗ୍ୟୁରେରୋର ସାନ ମାର୍କୋସ ଅଞ୍ଚଳ ନିକଟରେ ଥିଲା । ଯାହା ପ୍ରଶାନ୍ତ ମହାସାଗର ଉପକୂଳର ଏକ ଲୋକପ୍ରିୟ ପର‌୍ୟ୍ୟଟନସ୍ଥଳ ଆକାପୁଲକୋଠାରୁ ବେଶି ଦୂରରେ ନୁହେଁ। ସ୍ଥାନୀୟ ସମୟ ସକାଳ ପ୍ରାୟ ୭:୫୮ ମିନଟରେ ଭୂମିକମ୍ପ ଅନୁଭୂତ ହୋଇଥିଲା ଏବଂ ଏହାର ଗଭୀରତା ପ୍ରାୟ ୬.୨୧ ମାଇଲ ବୋଲି ଆକଳନ କରାଯାଇଥିଲା।