ବାପାର ଦଶାହ ଦିନ ପୁଅର ମୃତ୍ୟୁ

ସୂଚନା ମୁତାବକ, ଗତ ୧୧ ତାରିଖରେ ଅତରଙ୍ଗ ଗ୍ରାମର ଉଦୟ ଗୌଡଙ୍କ ମୃତ୍ୟୁ ହୋଇଥିଲା । ପିତାଙ୍କ ଶୁଦ୍ଧି କାର୍ଯ୍ୟ କରୁଥିଲେ ଏକ ମାତ୍ର ପୁଅ ରାଜେନ୍ଦ୍ର ଗୌଡ଼। ଇତି ମଧ୍ୟରେ ପୁଅ ରାଜେନ୍ଦ୍ର ବାପାକୁ ଝୁରିଝୁରି ହଠାତ୍ ଅସୁସ୍ଥ ହୋଇପଡିଥିଲେ। ତାଙ୍କୁ ସଙ୍ଗେ ସଙ୍ଗେ ଆସିକା ହସ୍ପିଟାଲରେ ଭର୍ତ୍ତି କରାଯାଇଥଲା । ହେଲେ ସେଠାରେ ତାଙ୍କର ମୃତ୍ୟୁ ହୋଇଥିଲା। ଗ୍ରାମରେ ରାଜେନ୍ଦ୍ରଙ୍କ ଶବ ଆସିବା ପରେ ଶୋକାକୁଳ ପରିବେଶ ସୃଷ୍ଟି ହୋଇଛି। ପୁଅ ରାଜେନ୍ଦ୍ରର ଅନ୍ତ୍ୟେଷ୍ଟି କ୍ରିୟା କେମିତି ହେବ ସେଥିପାଇଁ ପରିବାର,ବନ୍ଧୁବାନ୍ଧବ ଓ ଗ୍ରାମବାସୀ ଏବେ ଚିନ୍ତାରେ ପଡ଼ିଛନ୍ତି।

ଗାଁରେ ପୂର୍ବରୁ ଏଭଳି କୌଣସି ଘଟଣା ଘଟିନାହିଁ। ପୁଅ ରାଜେନ୍ଦ୍ର ପରିବାର ଏକ ମାତ୍ର ରୋଜଗାରିଆ। ତାଙ୍କର ଦୁଇ ପୁଅ ଓ ଗୋଟିଏ ଝିଅ ଅଛନ୍ତି। ଏମାନେ ସବୁ ଏବେ ବେସାହାରା ହୋଇଗଲେ। ତାଙ୍କ ପାଇଁ ସରକାରୀ ସହାୟତା ଜରୁରୀ ବୋଲି ଗ୍ରାମବାସୀ ଗୁହାରି କରିଛନ୍ତି।