ବାଙ୍ଗାଇ ଜଙ୍ଗଲରୁ ୩ କିଲୋ ଆଇଇଡି ଉଦ୍ଧାର
ଶ୍ରୀନଗର: ଜଙ୍ଗଲରେ ଲୁଚି ରହିଥିବା ଏକ ବଡ ଷଡଯନ୍ତ୍ର ପଣ୍ଡ ହୋଇଛି। ରାଜୌରୀ ଜିଲ୍ଲାର ଥାନାମାଣ୍ଡି ଅଞ୍ଚଳର ବାଙ୍ଗାଇ ଜଙ୍ଗଲରୁ ୩ କିଲୋଗ୍ରାମର ଆଇଇଡି ମିଳିଥିଲା । ଫଳରେ ସ୍ଥାନୀୟ ଅଞ୍ଚଳରେ ଆତଙ୍କ ସୃଷ୍ଟି ହୋଇଥିଲା।
ଅଧିକାରୀମାନଙ୍କ କହିବାନୁଯାୟୀ ଘଟଣାଟି ରାଜୌରୀ ଜିଲ୍ଲାର ଥାନାମାଣ୍ଡି ଉପ-ବିଭାଗର ଉପର ବାଙ୍ଗାଇ ଗାଁରେ ଘଟିଛି। ଏକ ଘର ନିକଟରେ ଏକ ଆଇଇଡି ମିଳିଥିଲା। ଏବଂ ଏକ ନିୟନ୍ତ୍ରିତ ବିସ୍ଫୋରଣ ମାଧ୍ୟମରେ ଏହାକୁ ନଷ୍ଟ କରିଦିଆଯାଇଥିଲା। ବିସ୍ଫୋରଣରେ କେହି ମୃତାହତ ହୋଇନଥିବାବେଳେ ଏକ ଘର ଆଂଶିକ ଭାବେ କ୍ଷତିଗ୍ରସ୍ତ ହୋଇଛି।
ଜମ୍ମୁ ଏବଂ କାଶ୍ମୀର ପୋଲିସର ଏକ ଦଳ ଥାନାମାଣ୍ଡିର ବାଙ୍ଗାଇ ଜଙ୍ଗଲ ଅଞ୍ଚଳରେ ଏକ ସର୍ଚ୍ଚ ଅପରେସନ୍ କରୁଥିଲେ। ସର୍ଚ୍ଚ ସମୟରେ ଯବାନମାନେ ଘନ ଜଙ୍ଗଲ ମଧ୍ୟରେ ସନ୍ଦେହଜନକ କାର୍ଯ୍ୟକଳାପ ଚିହ୍ନଟ କରିଥିଲେ। ସର୍ଚ୍ଚ ସମୟରେ, ସୁରକ୍ଷା ବାହିନୀ ପ୍ରାୟ ୩ କିଲୋଗ୍ରାମ ଓଜନର ଏକ ଆଇଇଡି ଜବତ କରିଥିଲେ।