କମ୍ବଳ-ବେଡ଼ସିଟ ମାଗିବାରୁ ଯବାନଙ୍କୁ ହତ୍ୟା କଲେ ରେଳ କର୍ମଚାରୀ

ନୂଆଦିଲ୍ଲୀ: ଚଳନ୍ତା ଟ୍ରେନରେ ଜଣେ ସୈନିକଙ୍କ ହତ୍ୟା ଘଟଣାର ନିରପେକ୍ଷ ତଦନ୍ତ ଦାବି କରିଛି ଜାତୀୟ ମାନବାଧିକାର କମିଶନ। ଅଭିଯୁକ୍ତ ରେଳ କର୍ମଚାରୀଙ୍କ ବିରୁଦ୍ଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିବା ଏବଂ ସୈନିକଙ୍କ ପରିବାରକୁ ନ୍ୟାୟ ପ୍ରଦାନ କରିବାକୁ ମାନବାଧିକାର କମିଶନ ପ୍ରତିଶ୍ରୁତି ଦେଇଛନ୍ତି।

ଅଭିଯୋଗ ହୋଇଛି ଯେ କର୍ମଚାରୀ ତାଙ୍କୁ ଏକ କମ୍ବଳ ଏବଂ ଚାଦର ଦେବାକୁ ମନା କରିଦେଇଥିଲେ, ଯାହା ଫଳରେ ଉଭୟଙ୍କ ମଧ୍ୟରେ ଯୁକ୍ତିତର୍କ ହୋଇଥିଲା। ଯୁକ୍ତିତର୍କ ପରେ କର୍ମଚାରୀ ଜଣକ ଯବାନଙ୍କ ଗୋଡ଼କୁ ଛୁରୀରେ ଆଘାତ କରିଥିଲେ | ଯେଉଁଥିରେ ତାଙ୍କ ଶିରା କଟିଯାଇଥିଲା ଏବଂ ତାଙ୍କ ମୃତ୍ୟୁ ଘଟିଥିଲା।

ଏବାବଦରେ ଜଣାପଡିବା ପରେ ରେଳବାଇ ପୋଲିସ ଟିଟିଇଙ୍କ ଅଭିଯୋଗ ଆଧାରରେ ଏକ ଏଫଆଇଆର ରୁଜୁ କରିଛି। ଭାରତୀୟ ଦଣ୍ଡ ସଂହିତା (IPC)ର ଧାରା 103(1) ଅନୁଯାୟୀ ଅଭିଯୁକ୍ତ କୋଚ୍ ଆଟେଣ୍ଡାଣ୍ଟଙ୍କ ବିରୋଧରେ ହତ୍ୟା ମାମଲା ରୁଜୁ କରାଯାଇଛି।