ମାଆକୁ ଧାରୁଆ ଅସ୍ତ୍ରରେ ଆକ୍ରମଣ ପରେ ଛାତରୁ ଡେଇଁ ଆତ୍ମହତ୍ୟା କଲା ନବମ ଶ୍ରେଣୀ ଛାତ୍ର

ସୂଚନା ଅନୁସାରେ, ଆସାମର ରାଜଧାନୀ ଗୌହାଟୀରେ ଶୁକାବର ଦିନ ନବମ ଶ୍ରେଣୀ ଛାତ୍ର ନିଜ ଘରେ ଏକ ଧାରୁଆ ଅସ୍ତ୍ରରେ ନିଜ ମାଙ୍କୁ ଆକ୍ରମଣ କରିଥିବା ଅଭିଯୋଗ ହୋଇଛି । ପରେ ସହରର ଏବିସି ଅଂଚଳରେ ଏକ କୋଠାରୁ ଖସିପଡିବା ଫଳରେ ପିଲାଟିର ମୃତ୍ୟୁ ହୋଇଥିବା ସୂଚନା ମିଳିଛି । ପୂର୍ବ ଜ୍ୟୋତିନଗରର ହଲଦି ମିଲ୍ ଅଂଚଳରେ ମା ଚନ୍ଦ୍ରାଣୀ କଲିତାଙ୍କ ଉପରେ ଆକ୍ରମଣ କରିଥିଲା ପୁଅ । ଚନ୍ଦ୍ରାଣୀଙ୍କୁ ଗୁରୁତର ଅବସ୍ଥାରେ ଛାଡି ପୁଅ ସେଠାରୁ ପଳାଇଥିଲା । ପରେ ଚନ୍ଦ୍ରାଣୀଙ୍କୁ ଗୁରୁତର ଅବସ୍ଥାରେ ଗୌହାଟି ମେଡିକାଲ କଲେଜ୍ ଆଣ୍ଡ ହସ୍ପିଟାଲକୁ ନିଆଯାଇଥିଲା । ସେଠାରେ ଆଇସିୟୁରେ ଚିକିତ୍ସାଧୀନ ଅଛନ୍ତି ଚନ୍ଦ୍ରାଣୀ । ସେପଟେ ପିଲାଟି ମାକୁ ଆକ୍ରମଣ କରିବା ପରେ ଗୌହାଟୀର ଏବିସି ଅଂଚଳରେ ଥିବା ଏକ କୋଠାରୁ ତଳକୁ ଖସିପଡିଥିଲେ । ପରେ ଆଘାତଜନିତ କାରଣରୁ ତାଙ୍କର ମୃତ୍ୟୁ ହୋଇଥିବା ସୂଚନା ମିଳିଛି ।