ମଝି ଆକାଶରେ ପାଇଲଟଙ୍କୁ ମରଣାନ୍ତକ ଆକ୍ରମଣ, ଦୁର୍ଘଟଣାରୁ ଅଳ୍ପକେ ବର୍ତ୍ତିଲେ ୧୮୦ ଯାତ୍ରୀ
ତେଲ ଅଭିଭ: ଦୁବାଇରୁ ଇସ୍ରାଏଲର ତେଲ ଅଭିଭ ଯାତ୍ରା କରୁଥିବା ଫ୍ଲାଏଦୁବାଇ ବିମାନ FZ1073 ଅନ୍ତର୍ଜାତୀୟ ଟ୍ରାନ୍ସପଣ୍ଡରରେ ୭୫୦୦ କୋଡ୍ ଟ୍ରାନ୍ସମିଟ୍ କରିବା ସମୟରେ ଆତଙ୍କ ଖେଳିଯାଇଥିଲା। କାରଣ ମଝି ଆକାଶରେ ପାଇଲଟକୁ ଛୁରାମାଡ଼ ହୋଇଥିଲା। ୨ ପାଇଲଟଙ୍କ ଝଗଡ଼ାରୁ ଛୁରାମାଡ଼ ହୋଇଥିଲା। ଏହି ଘଟଣାରେ ଅଳ୍ପକେ ବର୍ତ୍ତିଯାଇଛନ୍ତି ୧୮୦ ଯାତ୍ରୀ। ଘଟଣା ପରେ ଯାତ୍ରୀଙ୍କ ଆର୍ତ୍ତ ଚିତ୍କାର ହୋଇଥିଲା। ଏହାପରେ ଫ୍ଲାଏଦୁବାଇ ବିମାନର ଜରୁରୀ ଅବତରଣ କରିଥିଲା। ସାଉଦି ଆରବର ତିବୁକରେ ବିମାନର ଜରୁରୀ ଅବତରଣ କରିଛି। ୧୮୦ ଯାତ୍ରୀଙ୍କୁ ନେଇ ବିମାନଟି ଦୁବାଇରୁ ତେଲ୍ ଆଭିଭ୍ ଯାଉଥିଲା। ଜରୁରୀ ଅବତରଣ ପୂର୍ବରୁ ‘ହାଇଜାକ୍’ କୋଡ୍ ବଟନ୍ ଚିପିଥିଲେ ପାଇଲଟ। ମାତ୍ର ପରବର୍ତ୍ତୀ ଅବସ୍ଥାରେ ଝଗଡ଼ା ପାଇଁ ଏପରି ଘଟିଥିବା ସ୍ପଷ୍ଟ ହୋଇଛି। ଜଣେ ପାଇଲଟ୍ ବିମାନକୁ କ୍ରାସ୍ କରାଇବାକୁ ଚେଷ୍ଟା କରିଥିବା ସୂଚନା ମିଳିବା ପରେ ଦ୍ବିତୀୟ ପାଇଲଟ୍ ଯାତ୍ରୀଙ୍କ ସହାୟତାରେ ବିମାନକୁ ଜରୁରୀ ଅବତରଣ କରାଇଲେ। ତେବେ କ’ଣ ପାଇଁ ମଝି ଆକାଶରେ ଏପରି କାଣ୍ଡ ଘଟିଲା ସ୍ପଷ୍ଟ ହୋଇପାରି ନାହିଁ।
ତେବେ ଏହି କୋଡ୍ ଏକ ଅପହରଣ କିମ୍ବା ବେଆଇନ ହସ୍ତକ୍ଷେପକୁ ସୂଚିତ କରେ। ଏହି ଘଟଣା ପରେ, ଇସ୍ରାଏଲୀ ବାୟୁସେନା ସୁରକ୍ଷା ପାଇଁ ଲଢ଼ୁଆ ବିମାନ ନିୟୋଜିତ କରିଥିଲା। ଇସ୍ରାଏଲୀ ଚ୍ୟାନେଲ N12 ଅନୁଯାୟୀ, ସୁରକ୍ଷା ମୂଲ୍ୟାଙ୍କନ ଏବଂ ଯାତ୍ରୀଙ୍କ ବୟାନ ଆଧାରରେ, କର୍ତ୍ତୃପକ୍ଷମାନେ ବର୍ତ୍ତମାନ ଏହି ଘଟଣାକୁ ଏକ ଆତଙ୍କବାଦୀ ଆକ୍ରମଣ ଭାବରେ ବିଚାର କରୁଛନ୍ତି। ଏହି ଘଟଣାର ପାଇଁ ଜଣେ ଓମାନି ପାଇଲଟ୍ ଦାୟୀ ବୋଲି କୁହାଯାଉଛି। ସୂଚନା ଅନୁସାରେ ମଝିଆକାଶରେ ଯେତେବେଳେ ବିମାନଟି ଦ୍ରୁତ ଗତିରେ ତଳକୁ ଓହ୍ଲାଇବାକୁ ଲାଗିଲା ଏବଂ ପରିସ୍ଥିତି ଅତ୍ୟନ୍ତ ବିପଜ୍ଜନକ ହୋଇଗଲା, ସେତେବେଳେ ଏହା ସାଧାରଣ ଜରୁରୀକାଳୀନ କୋଡ୍ “୭୭୦୦” ପଠାଇଲା। ଏହାର କିଛି ସମୟ ପରେ, କୋଡ୍ “୭୫୦୦” କୁ ପରିବର୍ତ୍ତନ କରାଯାଇଥିଲା, ଯାହା ଏକ ଅପହରଣକୁ ସୂଚିତ କରିଥାଏ। ଏହି ଘଟଣା ସାରା ବିଶ୍ୱରେ ହଇଚଇ ସୃଷ୍ଟି କରିଥିଲା। ଅପହରଣ କୋଡ୍ ପାଇବା ପରେ, ବିଭିନ୍ନ କଳ୍ପନାଜଳ୍ପନା ପ୍ରକାଶ ପାଇବାକୁ ଲାଗିଲା।