ଆତଙ୍କବାଦ ହେଉଛି କୁକୁରର ଲାଞ୍ଜ, ଯାହା କେବେ ସିଧା ହେବ ନାହିଁ: ଯୋଗୀ

ନୂଆଦିଲ୍ଲୀ: ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ଉତ୍ତରପ୍ରଦେଶର ଲକ୍ଷ୍ନୌରେ ବ୍ରହ୍ମୋସ କ୍ଷେପଣାସ୍ତ୍ର ନିର୍ମାଣ ପାଇଁ ବ୍ରହ୍ମୋସ ଏରୋସ୍ପେସ୍ ଇଣ୍ଟିଗ୍ରେସନ୍ ଏବଂ ପରୀକ୍ଷଣ ସୁବିଧାର ଉଦଘାଟନ କରିଛନ୍ତି। ଉଦଘାଟନୀ ଉତ୍ସବରେ ଯୋଗ ଦେଇ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ସମସ୍ତ ସୈନିକ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ପ୍ରତିରକ୍ଷା ମନ୍ତ୍ରୀଙ୍କୁ ଅପରେସନ ସିନ୍ଦୂର ପାଇଁ ଅଭିନନ୍ଦନ ଜଣାଇଥିଲେ।
ଏଥିସହିତ କହିଥିଲେ, ବ୍ରହ୍ମୋସ କ୍ଷେପଣାସ୍ତ୍ର ପାଇଁ ୨୦୦ ଏକର ଜମି ଦେଇଛୁ। ଏବେ ଏଠାରେ ବ୍ରହ୍ମୋସ କ୍ଷେପଣାସ୍ତ୍ରର ନିର୍ମାଣ ଆରମ୍ଭ ହେବ। ତୁମେ ଅପରେସନ ସିନ୍ଦୁରରେ ବ୍ରହ୍ମୋସର ଶକ୍ତି ଦେଖିଥିବ, ଯଦି ତୁମେ ତାହା ଦେଖିନାହଁ ତେବେ ପାକିସ୍ତାନୀମାନଙ୍କୁ ପଚାର ଯେ ବ୍ରହ୍ମୋସ କ୍ଷେପଣାସ୍ତ୍ରର ଶକ୍ତି କ’ଣ?
ପ୍ରଧାନମନ୍ତ୍ରୀ ଘୋଷଣା କରିଛନ୍ତି,‘‘ ଯେ ଆତଙ୍କବାଦର ଯେକୌଣସି ଘଟଣା ଏବେ ଯୁଦ୍ଧ ପରି ହେବ ଏବଂ ମନେରଖନ୍ତୁ, ଯେପର୍ଯ୍ୟନ୍ତ ଆମେ ଆତଙ୍କବାଦକୁ ସମ୍ପୂର୍ଣ୍ଣ ଭାବରେ ଦମନ ନ କରିଛୁ ସେପର୍ଯ୍ୟନ୍ତ ସମସ୍ୟାର ସମାଧାନ ହେବ ନାହିଁ।”
ପ୍ରଧାନମନ୍ତ୍ରୀ ମୋଦୀଙ୍କ ନେତୃତ୍ୱରେ ଆମକୁ ସମସ୍ତଙ୍କୁ ଏକ ସ୍ୱରରେ ଏହି ଅଭିଯାନରେ ସାମିଲ ହେବାକୁ ପଡିବ। ଆତଙ୍କବାଦ ହେଉଛି କୁକୁରର ଲାଞ୍ଜ ଯାହା କେବେ ସିଧା ହେବ ନାହିଁ। ଯେଉଁମାନେ ପ୍ରେମର ଭାଷାରେ ବିଶ୍ୱାସ କରନ୍ତି ନାହିଁ, ସେମାନଙ୍କୁ ସେମାନଙ୍କ ଭାଷାରେ ଜବାବ ଦେବାକୁ ପଡିବ।’