ଆଇପିଏଲ ଏକ ସପ୍ତାହ ଲାଗି ସ୍ଥଗିତ
ନୂଆଦିଲ୍ଲୀ : ଭାରତ ଏବଂ ପାକିସ୍ତାନ ମଧ୍ୟରେ ଯୁଦ୍ଧ ଭଳି ପରିସ୍ଥିତି ସୃଷ୍ଟି ହୋଇଛି । ଏଭଳି ସ୍ଥିତିରେ ଦେଶରେ ଚାଲିଥିବା ଇଣ୍ଡିଆନ ପ୍ରିମିୟର ଲିଗ୍ କୁ ୧ ସପ୍ତାହ ଲାଗି ସ୍ଥଗିତ ରଖିଛି ବିସିସିଆଇ | ବିସିସିଆଇ ପକ୍ଷରୁ କୁହାଯାଇଛି ବର୍ତ୍ତମାନ ପରିସ୍ଥିତିରେ ଆମେ ସରକାର ଓ ସେନାଙ୍କ ସହିତ ରହିଛୁ | ସୂଚନାଯୋଗ୍ୟ ଗୁରୁବାର ରାତିରେ, ମେ ୮ ରାତିରେ, ଆଇପିଏଲ ୨୦୨୫ର ପଞ୍ଜାବ କିଙ୍ଗସ୍ ବନାମ ଦିଲ୍ଲୀ କ୍ୟାପିଟାଲ୍ସ ମ୍ୟାଚ୍ ବାତିଲ କରିବାକୁ ପଡିଥିଲା । ଗୋଟିଏ ମ୍ୟାଚ୍ ପୂର୍ବରୁ ଧର୍ମଶାଳାରୁ ସ୍ଥାନାନ୍ତରିତ ହୋଇସାରିଛି ଏବଂ ଏବେ ଭାରତୀୟ କ୍ରିକେଟ୍ ନିୟନ୍ତ୍ରଣ ବୋର୍ଡ ଅର୍ଥାତ୍ ବିସିସିଆଇ ଅନିର୍ଦ୍ଦିଷ୍ଟ କାଳ ପାଇଁ ଲିଗ୍ ସ୍ଥଗିତ ରଖିଛି। ବାସ୍ତବରେ ଗତକାଲି ହିମାଚଳପ୍ରଦେଶର ଧର୍ମଶାଳାଠାରେ ଖେଳାଯାଉଥିବା ପଞ୍ଜାବ କିଙ୍ଗ୍ସ ବନାମ ଦିଲ୍ଲୀ କ୍ୟାପିଟାଲ୍ସ ମ୍ୟାଚ୍କୁ ୧୦.୧ ଓଭର ପରେ ବନ୍ଦ କରିଦିଆଯାଇଥିଲା । ହଠାତ୍ ୩ଟି ଫ୍ଲଡ୍ଲାଇଟ୍ ଲିଭିଯିବାରୁ ଖେଳ ଅଟକି ଯାଇଥିଲା। ୧୧ ମିନିଟ୍ ପରେ ଏହାକୁ ବାତିଲ ଘୋଷଣା କରିଦିଆଯାଇଥିଲା।
ଭାରତ-ପାକିସ୍ତାନ ଯୁଦ୍ଧ ପରିସ୍ଥିତି କାରଣରୁ ଏଚ୍ପିସିଏ ଷ୍ଟାଡିୟମ୍ରୁ ତୁରନ୍ତ ଦର୍ଶକଙ୍କୁ ହଟାଯାଇଥିଲା । ଏବେ ଆଇପିଏଲର ସ୍ଥଗିତ ହେବାର ଖବର ମଧ୍ୟ ଆସିଛି। ବିସିସିଆଇ ଅଧିକାରୀ କହିଛନ୍ତି ଯେ ଦେଶରେ ଯୁଦ୍ଧ ଚାଲିଥିବା ସମୟରେ କ୍ରିକେଟ୍ କିପରି ଚାଲିପାରିବ। ସୂତ୍ରରୁ ମିଳିଥିବା ସୂଚନା ମୁତାବକ ଆଇପିଏଲକୁ ସପ୍ତାହେ ପାଇଁ ସ୍ଥଗିତ ରଖାଯାଇଛି। ତଥାପି, ଭାରତର ଇଂଲଣ୍ଡ ଗସ୍ତ ପରେ, ପ୍ଲେଅଫ୍ ମ୍ୟାଚ୍ ଏବଂ ଡଜନେ ଲିଗ୍ ମ୍ୟାଚ୍ ସମେତ ଟୁର୍ଣ୍ଣାମେଣ୍ଟର ଅବଶିଷ୍ଟ ମ୍ୟାଚ୍ ଖେଳାଯାଇପାରିବ।
ଭାରତୀୟ ଦଳ ଜୁନ୍ ୬ ତାରିଖରେ ଇଂଲଣ୍ଡ ଗସ୍ତ ପାଇଁ ଯିବାର କାର୍ଯ୍ୟକ୍ରମ ରହିଛି। ବାସ୍ତବରେ ଆଇପିଏଲ ଲିଗ୍ ମେ ୨୫ ତାରିଖରେ କୋଲକାତାରେ ଶେଷ ହେବାର ଥିଲା। ଆଇପିଏଲ୍ ୨୦୨୫ ସ୍ଥଗିତ କରାଯାଉଛି। ବିସିସିଆଇ ଖୁବ୍ ଶୀଘ୍ର ଏ ସମ୍ପର୍କରେ ଏକ ଆନୁଷ୍ଠାନିକ ଘୋଷଣା କରିବ। ଆଇପିଏଲ୍ ୨୦୨୫ର ଲିଗ୍ ପର୍ଯ୍ୟାୟର ଶେଷ ପର୍ଯ୍ୟାୟ ଚାଲିଥିଲା। ବିସିସିଆଇ ସୂତ୍ର କହିଛି ଯେ ଦେଶରେ ଯୁଦ୍ଧ ଭଳି ପରିସ୍ଥିତି ରହିଛି। ଏପରି ପରିସ୍ଥିତିରେ ଲିଗ୍ ସ୍ଥଗିତ କରାଯାଉଛି।