ମୟୂରଭଞ୍ଜରେ ବନ୍ୟା ବିତ୍ପାତ: ପାୱାର ବୋଟ୍ ଯୋଗେ ଚାଲିଛି ଉଦ୍ଧାର, ସ୍ଥିତି ନିରୀକ୍ଷଣ କରୁଛନ୍ତି ଅଧିକାରୀ

ବାରିପଦା : ମୟୂରଭଞ୍ଜ ଜିଲ୍ଲାରେ ଲଗାଣ ବର୍ଷା ସହ ଉପରମୁଣ୍ଡରେ ଅତ୍ୟଧିକ ବୃଷ୍ଟିପାତ ଫଳରେ ବିଭିନ୍ନ ନଦୀରେ ଜଳସ୍ତର ବଢି ବନ୍ୟା ସୃଷ୍ଟି ହୋଇଛି । ତେବେ ବୁଢାବଳଙ୍ଗ ନଦୀ ସହ ଜରାଳୀ ଓ ସରାଳୀ ନାଳରେ ପାଣି ବଢି ଅନେକ ଲୋକଙ୍କ ଘରେ ବନ୍ୟା ଜଳ ପସି ଗମ୍ଭୀର ସ୍ଥିତି ସୃଷ୍ଟି କରିଛି । ଫଳରେ ୭,୮,୯ ଓ ୧୧ ନମ୍ବର ଓ୍ବାର୍ଡର ଅନେକ ଲୋକ ପ୍ରଭାବିତ ସୋଇଛନ୍ତି ।

ଜିଲ୍ଲାପାଳଙ୍କ ନିର୍ଦ୍ଦେଶ କ୍ରମେ ବିଭିନ୍ନ ଓ୍ବାର୍ଡରେ ଅଧିକାରୀ ମାନେ ବୋଟ୍ ଯୋଗେ ଭିତରକୁ ଯାଇ ସ୍ଥିତି ନିରିକ୍ଷଣ କରୁଛନ୍ତି । ପୋଲିସ ପ୍ରଶାସନ ଲୋକଙ୍କୁ ଘରୁ ସ୍ଥାନାନ୍ତରିତ କରିବା କାର୍ଯ୍ୟରେ ନିୟୋଜିତ ଅଛନ୍ତି । ପାୱାର ବୋଟ୍ ଯୋଗେ ଲୋକମାନଙ୍କୁ ଉଚ୍ଛସ୍ଥାନକୁ ଅଣାଯାଉଛି । ପ୍ରଶାସନ ପକ୍ଷରୁ ଆଶ୍ରୟସ୍ଥଳୀରେ ଫ୍ରି କିଚେନ୍ର ବ୍ୟବସ୍ଥା କରାଯାଇଛି । ଛୋଟ ପିଲାମାନଙ୍କୁ ମଧ୍ୟ ବିସ୍କୁଟ ଏବଂ ପିଇବା ପାଣି, ସବୁପ୍ରକାର ବ୍ୟବସ୍ଥା କରାଯାଇଛି । ଗତ ଦୁଇଟି ବନ୍ୟା ଅପେକ୍ଷା ଏଥର ପାଣିର ପ୍ରକୋପ ଅଧିକ ଥିବାରୁ ଲୋକଙ୍କ ମଧ୍ୟରେ ଏକ ପ୍ରକାର ଭୟ ଦେଖାଦେଇଛି ।