ମାଡ଼ି ଆସୁଛି ବର୍ଷା ବିପତ୍ତି, ମତ୍ସ୍ୟଜୀବୀଙ୍କୁ ସତର୍କ କଲେ ମତ୍ସ୍ୟ ଅଧିକାରୀ

ଭୁବନେଶ୍ବର: ମାଡ଼ି ଆସୁଛି ବର୍ଷା ବିପତ୍ତି । ପ୍ରବଳ ବର୍ଷାକୁ ନେଇ ଉପକୂଳ ଅଞ୍ଚଳର ଲୋକେ ଭୟଭୀତ । ମତ୍ସ୍ୟଜୀବୀଙ୍କୁ ସଚେତନ କରିବା ପାଇଁ ଅସ୍ତରଙ୍ଗ ସମୁଦ୍ର କୂଳରେ ପହଁଞ୍ଚିଲେ ମତ୍ସ୍ୟ ଅଧିକାରୀ । ଉପକୂଳ ଅଞ୍ଚଳର ମତ୍ସ୍ୟଜୀବୀଙ୍କୁ ସତର୍କ କରିବା ପାଇଁ ଅସ୍ତରଙ୍ଗ ସହକାରୀ ମତ୍ସ୍ୟ ଅଧିକାରୀ ସତ୍ୟବ୍ରତ ଦାସ ଅସ୍ତରଙ୍ଗ ନିକଟ ଅଣକଣା ତଣ୍ଡା ଠାରେ ପହଂଚି ମତ୍ସ୍ୟଜୀବୀଙ୍କୁ ସଚେତନ କରିଛନ୍ତି ।

ପ୍ରବଳ ବର୍ଷା ଓ ସମୁଦ୍ରର ଅଶାନ୍ତି ଆଶଙ୍କା ଥିବାରୁ ମତ୍ସ୍ୟଜୀବୀମାନଙ୍କୁ ସତର୍କ କରିବା ପାଇଁ ଅସ୍ତରଙ୍ଗ ସମୁଦ୍ରକୂଳରେ ପହଞ୍ଚିଛନ୍ତି ମତ୍ସ୍ୟ ଅଧିକାରୀ ।  ଅସ୍ତରଙ୍ଗ ସହକାରୀ ମତ୍ସ୍ୟ ଅଧିକାରୀ ସତ୍ୟବ୍ରତ ଦାସ ଅସ୍ତରଙ୍ଗ ନିକଟ ଅଣକଣା ତଣ୍ଡାରେ ପହଞ୍ଚି ମତ୍ସ୍ୟଜୀବୀଙ୍କୁ ସଚେତନ କରିଛନ୍ତି ।

ସମୁଦ୍ରକୁ ଯାଇଥିବା ମତ୍ସ୍ୟଜୀବୀମାନେ ପାଣିପାଗର ସ୍ଥିତି ଉପରେ ନଜର ରଖିବା ସହ ସତର୍କ ରହିବାକୁ ଅଧିକାରୀ ପରାମର୍ଶ ଦେଇଛନ୍ତି ।  ଖରାପ ପାଗ ସମୟରେ ସମୁଦ୍ରକୁ ନଯିବା ଏବଂ ପ୍ରଶାସନର ନିର୍ଦ୍ଦେଶକୁ ପାଳନ କରିବାକୁ ମତ୍ସ୍ୟଜୀବୀଙ୍କୁ କୁହାଯାଇଛି ।

ଅନ୍ୟପଟେ, ଉପକୂଳ ଅଞ୍ଚଳରେ ବର୍ଷାର ପ୍ରଭାବକୁ ନେଇ ଲୋକଙ୍କ ମଧ୍ୟରେ ମଧ୍ୟ ଚିନ୍ତା ବଢ଼ିଛି । ସମୁଦ୍ରକୂଳବର୍ତ୍ତୀ ଅଞ୍ଚଳରେ ଯେପରି କୌଣସି ଅଘଟଣ ନଘଟେ, ସେଥିପାଇଁ ପ୍ରଶାସନ ଓ ସମ୍ପୃକ୍ତ ବିଭାଗ ପକ୍ଷରୁ ସତର୍କତା ଜାରି ରହିଛି। ମତ୍ସ୍ୟଜୀବୀଙ୍କ ସୁରକ୍ଷାକୁ ପ୍ରାଥମିକତା ଦେଇ ସମୁଦ୍ରର ସ୍ଥିତି ଉପରେ ନଜର ରଖାଯାଉଛି ।