ଟ୍ରଲରକୁ ପଛପଟୁ ପିଟିଲା ବସ୍, ୩୩ ଆହତ ୧୦ ଗୁରୁତର

ସମ୍ବଲପୁର: ଟ୍ରଲରକୁ ପଛପଟୁ ପିଟିଲା ବସ୍ । ସମ୍ବଲପୁର ଜିଲ୍ଲା ରେଙ୍ଗାଲି ନିକଟରେ ଦୁର୍ଘଟଣା । ବସ୍ ରେ ଥିବା ଏକ କମ୍ପାନୀ ର ୩୩ ଜଣ ଆହତ ହୋଇଛନ୍ତି । ସେମାନଙ୍କ ମଧ୍ୟରୁ ୧୦ ଜଣଙ୍କ ଅବସ୍ଥା ଗୁରୁତର ରହିଛି । ଆହତ ମାନଙ୍କୁ ଚିକିତ୍ସା ପାଇଁ ହସପିଟାଲରେ ଭର୍ତ୍ତି କରାଯାଇଛି ।

ଗତକାଲି ରାତିରେ ଶ୍ୟାମ ମେଟାଲିକ୍ସ କମ୍ପାନିର ଏକ ବସ୍ କର୍ମଚାରୀମାନଙ୍କୁ ନେଇ ଯାଉଥିଲା । ରେଙ୍ଗାଲିର ରଂପେଲା ନିକଟରେ ବସ ଆଗରେ ଯାଉଥିବା ଏକ ଟ୍ରଲର ହଠାତ ବ୍ରେକ ମାରିଦେଇଥିଲା । ଯାହାଫଳରେ ବସଟି ଟ୍ରଲର ପଛପଟେ ଧକ୍କା ହୋଇଥିଲା । ବସ ଭିତରେ କିଛି କର୍ମଚାରୀ ଚାପି ହୋଇଯାଇଥିଲେ । ଅଗ୍ନିଶମ ଓ ପୋଲିସ କର୍ମଚାରୀ ଘଟଣାସ୍ଥଳରେ ପହଞ୍ଚି ଆହତ ମାନଙ୍କୁ ଉଦ୍ଧାର କରି ହସପିଟାଲରେ ଭର୍ତ୍ତି କରାଇଥିଲେ। ବସ ଚାଳକଙ୍କ ଅବସ୍ଥା ଗୁରୁତର ରହିଛି ।