ମ୍ୟାଜିକ ନମ୍ବର ପାର କଲେ ବିଜୟ, ଖୁବ ଶୀଘ୍ର ଶପଥ ଗ୍ରହଣ କରିବେ

ତାମିଲନାଡ଼ୁ: ବିଜୟଙ୍କ ଶପଥ ଗ୍ରହଣ ପାଇଁ ରାସ୍ତା ସଫା ।  ଭିସିକେ ଦେଲା ନିସର୍ତ୍ତ ସମର୍ଥନ ।  ଯାହା ପାଇଁ ଝୁଲି ରହିଥିଲା ବିଜୟଙ୍କ ଶପଥ ଗ୍ରହଣ ।  ଏବେ ପାର ହେଲା ମ୍ୟାଜିକ ନମ୍ବର ।  ଭିସିକେ ସମର୍ଥନ ପରେ ମ୍ୟାଜିକ ନମ୍ବର ୧୧୮ ଛୁଇଁଲେ ଥାଲାପତି ବିଜୟ । ପୂର୍ବରୁ କଂଗ୍ରେସ ଏବଂ ବାମ ଦଳ ସମର୍ଥନ ଜଣାଇବା ପରେ ୧୧୬ରେ ପହଞ୍ଚିଥିଲା ବିଜୟଙ୍କ ସମର୍ଥନ ।  ଭିସିକେ ସମର୍ଥନ ଦେବା ପରେ ଏହି ସଂଖ୍ୟା ୧୧୮ହୋଇଛି ।  ଭିସିକେ ପାଖରେ ରହିଛି ୨ ବିଧାୟକ ।  ଏବେ ମ୍ୟାଜିକ ନମ୍ବର ପାର ହେବା ସହ ଶପଥ ଗ୍ରହଣ ପାଇଁ ରାସ୍ତା ପରିସ୍କାର ହୋଇଛି ।  ଖୁବ ଶୀଘ୍ର ତାମିଲନାଡ଼ୁ ମୁଖ୍ୟମନ୍ତ୍ରୀ ଭାବେ ଶପଥ ନେବେ ବିଜୟ ।

ତାମିଲନାଡ଼ୁରେ ବିଜୟ ରାଜ୍ ପାଇଁ ରାସ୍ତା ସଫା ।  ଖୁବ ଶୀଘ୍ର ମୁଖ୍ୟମନ୍ତ୍ରୀ ଆସନରେ ବସିବେ ଜନନାୟଗନ ବିଜୟ ।  ସବୁଠୁ ବଡ଼ ଦଳ ଭାବେ ଉଭା ହୋଇଥିବା ଥାଲାପତି ବିଜୟଙ୍କ TVK ଶେଷରେ ମ୍ୟାଜିକ ନମ୍ବର ଛୁଇଁବାରେ ସମର୍ଥ ହୋଇଛି। ଅନେକ ଟ୍ବିଷ୍ଟ ପରେ ନିସର୍ତ୍ତ ସମର୍ଥନ ଘୋଷଣା କଲା VCK ।  ଯାହା ପାଇଁ ଅଟକି ରହିଥିଲା ଶପଥ ଗ୍ରହଣ ।  ୨୩୪ ଆସନ ବିଶିଷ୍ଟ ତାମିଲନାଡ଼ୁରେ ସରକାର ଗଠନ ପାଇଁ ମ୍ୟାଜିକ ନମ୍ବର ୧୧୮ ।  ବିଜୟଙ୍କ ଟିଭିକେ ଦଳକୁ ୧୦୮ ଆସନରେ ବିଜୟୀ ହୋଇଛି ।  ବିଜୟ ନିଜେ ଦୁଇଟି ସିଟ୍ ରେ ବିଜୟୀ ହୋଇଥିବାରୁ ଗୋଟିଏ ସିଟ୍ ଖାଲି କରିବେ ।

ତେଣୁ ବର୍ତ୍ତମାନ ଟିଭିକେ ଦଳର ସଂଖ୍ୟା ୧୦୭ ଗଣତି ହେବ ।  ଆଉ ୧୧ ବିଧାୟକଙ୍କ ସମର୍ଥନ ଆବଶ୍ୟକ ଥିଲା ।  କଂଗ୍ରେସ ପ୍ରଥମେ ସମର୍ଥନ ଘୋଷଣା କରିଥିଲା ।  କଂଗ୍ରେସ ପାଖରେ ୫ ବିଧାୟକ ।  ଫଳରେ ବିଜୟଙ୍କ ସମର୍ଥକଙ୍କ ସଂଖ୍ୟା ୧୧୨ରେ ପହଞ୍ଚିଥିଲା ।  ବାମ ଦଳ ସିପିଆଇ ଓ ସିପିଆଇ(ଏମ) ସମର୍ଥନ ଦେବା ପରେ ଏହି ସଂଖ୍ୟା ୧୧୬ ହୋଇଥିଲା ।  VCK ସମର୍ଥନ ହେଦବା ପରେ ମ୍ୟାଜିକ ନମ୍ବର ୧୧୮ଛୁଇଁଛି ବିଜୟଙ୍କ ଦଳ ।  ଆନୁଷ୍ଠାନିକ ସମର୍ଥନ ଜଣାଇବା ସହ ଭିସିକେ ମୁଖ୍ୟ ଡିଏମକେ ସହ କ୍ଷମତା ବଣ୍ଟନ ଗୁଜବକୁ ଖଣ୍ଡନ କରିଛନ୍ତି ।  ଏଥିସହ ବିଜୟଙ୍କ ଦୁସ୍ବପ୍ନର ସମୟ ଅନ୍ତ ହୋଇଛି ।  ଖୁବ ଶୀଘ୍ର ଶପଥ ଗ୍ରହଣ କରିବେ ଥାଲାପତି ବିଜୟ ।