ଗଳା କାଟି ମାଆ ଓ ଝିଅଙ୍କୁ ବୀଭତ୍ସ ହତ୍ୟା

କରଞ୍ଜିଆ: ମାଆ ଓ ଝିଅଙ୍କୁ ବୀଭତ୍ସ ହତ୍ୟା । ସନ୍ଦେହ ଜନକ ଅବସ୍ଥାରେ ଘର ଭିତରୁ ମାଆ ଝିଅଙ୍କ ମୃତଦେହ ଉଦ୍ଧାର , ହତ୍ୟା ସନ୍ଦେହ । ମୟୂରଭଞ୍ଜ ଜିଲ୍ଲା ମହୁଲଡିହା ଥାନା ଡକେଇପାଳ ଗ୍ରାମର ମୁକ୍ତାଝରୀ ସାହିର ଚୈତ୍ଯନ ଟୁଡୁ ଗତକାଲି ଦିନ ୧୦ଟାରେ ବାହାରକୁ ଯାଇଥିଲେ । ଦିନ ୨ଟାରେ ଘରକୁ ଫେରିବାରୁ ଘରର କବାଟ ବନ୍ଦ ଥିବା ଦେଖିବାକୁ ପାଇଥିଲେ । ବଡ଼ ପାଟିରେ ଡାକିଥିଲେ ମଧ୍ଯ ଘର ଭିତରୁ କେହି ଶୁଣିନଥିଲେ। ଶୋଇବା ଘର ଭିତର ପଟୁ ବନ୍ଦ ଥିଲା । ସିଡି ଲଗାଇ ସ୍କାଇଲାଇଟ ପଟେ ଦେଖିଥିଲେ ତାଙ୍କ ପତ୍ନୀ ସୀତାମଣି ଟୁଡୁ ଏବଂ ୮ ବର୍ଷର ଝିଅ ଜବାମଣି ଟୁଡୁ ତଳେ ପଡିଥିଲେ ।

କବାଟ ଖୋଲି ଦେଖନ୍ତିତ ଝିଅର ବେକ ଧାରୁଆ ଅସ୍ତ୍ରରେ କଟାଯାଇଛି ଏବଂ ପତ୍ନୀ ସୀତାର ମଧ୍ଯ ମୃତ୍ୟୁ ହୋଇଛି ।  ଝିଅ ଜଵାମଣୀ ଟୁଡୁ ପାରାଦୀପରେ ଆଶ୍ରମ ବିଦ୍ୟାଳୟରେ ଦ୍ବିତୀୟ ଶ୍ରେଣୀରେ ପଢ଼ୁଥିଲା । ଖବର ପାଇ କରଞ୍ଜିଆ ଉପଖଣ୍ଡ ପୋଲିସ ଅଧିକାରୀ ନବକୃଷ୍ଣ ନାଏକ, ମହୁଲଡିହା ଥାନା ଅଧିକାରୀ ତୁଷାର ନାୟକ, ଏଏସଆଇଙ୍କ ସହ ପୋଲିସ ଟିମ୍ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରି ତଦନ୍ତ ଆରମ୍ଭ କରିଛି। ଆଜି ସାଇଣ୍ଟିଫିକ ଟିମ ଆସିଲା ପରେ ମୃତଦେହ ବ୍ୟବଛେଦ ପାଇଁ ପଠାଯିବ ।