ଆଜି ଓଡିଆ ନବବର୍ଷ; ନୂଆ ରତ୍ନ ପଲଙ୍କରେ ବିଶ୍ରାମ ନେବେ ମହାପ୍ରଭୁ
ପୁରୀ: ପୁରୀ ଶ୍ରୀମନ୍ଦିର ରତ୍ନ ଭଣ୍ଡାର ଇନଭେଣ୍ଟରୀ ଆଜିଠାରୁ ଆରମ୍ଭ ହେବ। ଓଡିଆ ନବବର୍ଷରେ ମହାପ୍ରଭୁଙ୍କ ନୂଆ ରତ୍ନ ପଲଙ୍କ ବ୍ୟବହାର ହେବ। ନୂଆ ରତ୍ନ ପଲଙ୍କ ସଂସ୍କାର କରାଯିବା ପରେ ଆଜି ଏହା ବ୍ୟବହାର କରାଯିବ। ଶ୍ରୀମନ୍ଦିରରେ ପ୍ରଭୁ ଜଗନ୍ନାଥ, ଭାଇଭଉଣୀମାନେ ନୂତନ ‘ରତ୍ନ ପଲଙ୍କ’ ଉପରେ ବିଶ୍ରାମ ନେବେ। ୩ଟି ରତ୍ନ ପଲଙ୍କ ନିର୍ମାଣ ହୋଇଛି। ପଲଙ୍କରେ ରୂପା ଆଚ୍ଛାଦିତ କରାଯାଇଛି। ପୁରୁଣା ରତ୍ନ ପଲଙ୍କ ଶ୍ରୀମନ୍ଦିର ନିଳାଦ୍ରୀ ମ୍ୟୁଜିୟମରେ ରଖାଯିବ।
ଶ୍ରୀଜଗନ୍ନାଥ ମନ୍ଦିରରେ ଏକ ବିଶେଷ ରୀତିନୀତିରେ ପୁରୀରେ, ୧୪ ଏପ୍ରିଲରୁ ଓଡ଼ିଆ ନବବର୍ଷ ଆରମ୍ଭ ହୋଇ ନୂତନ ଭାବରେ ନିର୍ମିତ ‘ରତ୍ନ ପଲଙ୍କ’ (ମଣି ଖଚିତ ଶଯ୍ୟା) ଉପରେ ଦେବତାମାନଙ୍କୁ ସ୍ଥାପନ କରାଯିବ।