ଗାନ୍ଧୀ ଜୟନ୍ତୀରେ ପ୍ରଶାନ୍ତ କିଶୋର ଲଞ୍ଚ୍ କରିବେ ରାଜନୈତିକ ଦଳ, କହିଲେ, ‘୨୦୨୫ରେ ଆଣିବୁ ଜନତାଙ୍କ ଶାସନ’
ରାଜନୈତିକ ରଣନୀତିଜ୍ଞ ପ୍ରଶାନ୍ତ କିଶୋର (ପିକେ) ଆନୁଷ୍ଠାନିକ ଭାବେ ନିଜର ଦଳ ‘ଜନ ସୁରାଜ୍’ ଲଞ୍ଚ୍ କରିବାକୁ ଘୋଷଣା କରିଛନ୍ତି । ଅକ୍ଟୋବର ୨ ଗାନ୍ଧୀ ଜୟନ୍ତୀ ଅବସରରେ ସେ ନିଜ ଦଳର ଶୁଭାରମ୍ଭ କରିବେ । ରବିବାର ବିହାରର ରାଜଧାନୀ ପାଟନାସ୍ଥିତ ବାପୁ ସଭାଗାରରେ ନିଜ ଅଧିକାରୀମାନଙ୍କୁ ସମ୍ବୋଧିତ କରିବା ବେଳେ ସେ ଏହା କହିଛନ୍ତି । ଏଥିସହିତ ପିକେ ଜୟ ବିହାର, ଜୟ-ଜୟ ବିହାର ଉପରେ ମଧ୍ୟ ଚର୍ଚ୍ଚା କରିଥିଲେ ।
‘ଜନ ସୁରାଜ’ର ଅଧିକାରୀମାନଙ୍କୁ ସମ୍ବୋଧିତ କରି ପିକେ କହିଛନ୍ତି ଯେ ଅକ୍ଟୋବର ୨ ଗାନ୍ଧୀ ଜୟନ୍ତୀରେ ପାଖାପାଖି ଏକ କୋଟି ସଦସ୍ୟ ଜନ ସୁରାଜର ଭିତ୍ତିପ୍ରସ୍ତର ସ୍ଥାପନ କରିବେ । ୧.୫୦ ଲକ୍ଷ ଲୋକଙ୍କୁ ଅଫିସ୍ ପଦାଧିକାରୀ ଭାବରେ ମନୋନୀତ ସହିତ ପ୍ରଥମ ଦିନ ଆରମ୍ଭ ହେବ ।
ଜନ ସୁରାଜ ଦଳର ନେତୃତ୍ୱ ନେଇଥିବା ପ୍ରସଙ୍ଗକୁ ସେ ପ୍ରତ୍ୟାଖ୍ୟାନ କରି କହିଛନ୍ତି, ସେ ଦଳର ନେତୃତ୍ୱ ନେବେ ନାହିଁ । କିନ୍ତୁ ନେତା ନିଜ ନିଜ ନିର୍ବାଚନମଣ୍ଡଳୀରୁ ବଛା ହେବେ, ଯେଉଁମାନେ ରାଜ୍ୟରେ ହେବାକୁ ଥିବା ବିଧାନସଭା ନିର୍ବାଚନ ପାଇଁ ଲୋକଙ୍କ ଶକ୍ତିକୁ ମଜବୁତ କରିବେ ।
ପିକେ ଦାବି କରିଛନ୍ତି ଯେ ଦଳ ୨୦୨୫ରେ ଜନତାଙ୍କ ଶାସନ ଆଣିବ । ବିହାରର ଯେଉଁ ଲୋକମାନେ କାମ ଖୋଜିବା ପାଇଁ ପଞ୍ଜାବ ଓ ହରିୟାଣା ଯାଆନ୍ତି, ସେମାନଙ୍କୁ ଏହିଠାରେ ରୋଜଗାର ମିଳିବ । ଭବିଷ୍ୟତରେ ବାହାର ଲୋକମାନେ ବିହାରକୁ ଚାକିରି ଖୋଜିବାକୁ ଆସିବେ ।