ତାମିଲନାଡୁ ସରକାରଙ୍କ ବଡ଼ ଘୋଷଣା: ୩ୟ ସନ୍ତାନ ପାଇଁ ମଧ୍ୟ ମିଳିବ ବର୍ଷେ ମାତୃତ୍ୱ ଛୁଟି

ବିଧାନସଭାରେ ବିଭାଗୀୟ ଅନୁଦାନ ଉପରେ ଚର୍ଚ୍ଚା ବେଳେ ମାନବ ସମ୍ବଳ ପରିଚାଳନା ମନ୍ତ୍ରୀ ଡି. ଶରଥକୁମାର ଏହି ଐତିହାସିକ ଘୋଷଣା କରିଛନ୍ତି। ସରକାରଙ୍କ ଏହି ପଦକ୍ଷେପ ଦ୍ୱାରା ଏବେ ପ୍ରଥମ, ଦ୍ୱିତୀୟ ଏବଂ ତୃତୀୟ ସନ୍ତାନ ସମୟରେ ମହିଳା କର୍ମଚାରୀମାନଙ୍କୁ ସମାନ ଭାବରେ ୧ବର୍ଷର ସମ୍ପୂର୍ଣ୍ଣ ବେତନ ଯୁକ୍ତ ଛୁଟି ମିଳିପାରିବ। ପୂର୍ବରୁ ୨ରୁ କମ୍‌ ସନ୍ତାନ ଥିବା ମହିଳା କର୍ମଚାରୀମାନେ ୩୬୫ଦିନର ମାତୃତ୍ୱ ଛୁଟି ପାଉଥିବାବେଳେ ୨ ବା ତଦୁର୍ଦ୍ଧ୍ଵ ସନ୍ତାନ ଥିବା ମହିଳାମାନେ କେବଳ ୧୨ ସପ୍ତାହ ବା ୮୪ ଦିନର ଛୁଟି ପାଉଥିଲେ। କିନ୍ତୁ ସାମାଜିକ କଲ୍ୟାଣ, ମହଳା ସଶକ୍ତୀକରଣ ଏବଂ ରାଜ୍ୟର ଜନସଂଖ୍ୟା ପରିବର୍ତ୍ତନ ତଥା ହ୍ରାସ ପାଉଥିବା ପ୍ରଜନନ ହାରକୁ ଦୃଷ୍ଟିରେ ରଖି ସରକାର ଏହି ବଡ଼ ପଦକ୍ଷେପ ନେଇଛନ୍ତି।