ରାମ ମନ୍ଦିରର ପ୍ରଥମ ଆଳତି ପାଇଁ ଯୋଧପୁରରୁ ଆସିବ ୬୦୦ କିଲୋ ଘିଅ

୨୦୨୪ ଜାନୁୟାରୀରେ ଅଯୋଧ୍ୟାରେ ଭବ୍ୟ ରାମ ମନ୍ଦିର ଉଦ୍‌ଘାଟନ ହେବ। ମନ୍ଦିର ଗର୍ଭଗୃହରେ ପ୍ରଭୁ ଶ୍ରୀରାମ ବିରାଜମାନ କରିବେ। ଏହି ଐତିହାସିକ ଉତ୍ସବରେ ଯୋଧପୁରର ମଧ୍ୟ ଖାସ୍‌ ଯୋଗଦାନ ରହିବ। ରାମ ମନ୍ଦିରରେ ହେବାକୁ ଥିବା ପ୍ରଥମ ଆଳତି ଏବଂ ମହାଯଜ୍ଞରେ ଯେଉଁ ଶୁଦ୍ଧ ଦେଶୀ ଘିଅ ବ୍ୟବହାର ହେବ, ତାହା ଯୋଧପୁରରୁ ଆସିବ।

ମହର୍ଷି ସନ୍ଦୀପନ ମହାରାଜା କହିଛନ୍ତି ଯେ ଗତ ୯ ବର୍ଷ ମଧ୍ୟରେ ଗାଈଙ୍କ ସଂଖ୍ୟା ୬୦ରୁ ବଢ଼ି ୩୫୦ ହୋଇଛି। ଏହି ଗୋଶାଳାରେ ରହୁଥିବା ଅଧିକାଂଶ ଗାଈ ସଡ଼କ ଦୁର୍ଘଟଣାରେ ଆହତ ହୋଇଛନ୍ତି। ମହାରାଜା କହିଛନ୍ତି, ଅଯୋଧ୍ୟାରୁ ଏକ ଟିମ୍‌ ଏଠାକୁ ଦେଖିବା ପାଇଁ ଆସିଥିଲେ। ସେପଟେ ଯୋଧପୁରରେ ୧୦୮ ରଥକୁ ପ୍ରସ୍ତୁତ କରିବା ପାଇଁ ଦ୍ରୁତ ଗତିରେ କାମ ଚାଲିଛି। ଯୋଧପୁରରୁ ଅଯୋଧ୍ୟା ପର୍ଯ୍ୟନ୍ତ ଦୂରତା ୧୧୫୦ କିଲୋମିଟର। ଏହି ଦୂରତା ୨୧ ଦିନରେ ସମ୍ପୂର୍ଣ୍ଣ ହେବ।