ସୁରକ୍ଷାକର୍ମୀଙ୍କୁ ଟାର୍ଗେଟ କରି ମୃତ୍ୟୁର ଜାଲ ଖଞ୍ଜିଥିଲେ ନକ୍ସଲ: ୩୩୫୦ଟି ସ୍ପାଇକ କାଠି ଉଦ୍ଧାର

ମାଲକାନଗିରି: ମାଓବାଦୀଙ୍କ କାର୍ଯ୍ୟକଳାପ ଯୋଗୁଁ ଛତିଶଗଡ଼ ଓ ତେଲେଙ୍ଗାନା ସୀମାନ୍ତବର୍ତ୍ତୀ ଅଂଚଳର ଆଦିବାସୀ ଲୋକମାନେ ଭୟଭୀତ ହେଉଛନ୍ତି। ତେଲେଙ୍ଗାନା-ଛତିଶଗଡ଼ର ଜଙ୍ଗଲରେ ରହୁଥିବା ଆଦିବାସୀ ପୁଲିସ ନିକଟରେ ଅଭିଯୋଗ କରିଛନ୍ତି ଯେ ସେମାନେ ଜଂଗଲକୁ ଗଲେ ମାଓବାଦୀର ଆଖ୍ୟା ଦିଆଯାଉଛି। ଜଂଗଲରେ ପାଦ ପାଦକେ ବିପଦ ରହିଥିବା ଲୋକେ କହିଛନ୍ତି। ଅନ୍ୟଦିଗରେ ନିଷିଦ୍ଧ ମାଓବାଦୀ ଦଳର ନେତାମାନେ ସେମାନଙ୍କ ପ୍ରତି ଭଲ କାମ କରୁଛନ୍ତି ବୋଲି ଦର୍ଶାଇ ଆଦିବାସୀଙ୍କ ଜୀବନ ପ୍ରତି ବିପଦ ସୃଷ୍ଟି କରୁଛନ୍ତି।
ମାଓବାଦୀମାନେ କ୍ଷତି ଏବଂ ଗୁରୁତର ଆଘାତ ଘଟାନ୍ତି ତେଣୁ ସୀମାନ୍ତ ଅଞ୍ଚଳରେ ରହୁଥିବା ଆଦିବାସୀମାନେ ସଜାଗ ରହିବା ଉଚିତ ବୋଲି ପୁଲିସ କହୁଛି। ମାଓବାଦୀ ନେତାମାନେ ଦାବି କରନ୍ତି ଯେ ଆମର ସଂଗ୍ରାମ ଆଦିବାସୀମାନଙ୍କ ପାଇଁ, ତେଣୁ ସେମାନେ ସୀମା ଅଞ୍ଚଳକୁ ନିଜ ଅଧୀନରେ ନିଅନ୍ତୁ, ଜଙ୍ଗଲ ଅଞ୍ଚଳକୁ ଦୁର୍ଗ ପରି କରିଦିଅନ୍ତୁ ଏବଂ ଶତ୍ରୁକୁ ରୋକିବା ପାଇଁ ଏପରି ହିଂସାତ୍ମକ କାର୍ଯ୍ୟ କରନ୍ତୁ ବୋଲି ନକ୍ସଲ ଉସୁକାଉଛନ୍ତି।ଆଦିବାସୀମାନେ ଚଳପ୍ରଚଳ କରୁଥିବା ସ୍ଥାନରେ ମୃତ୍ୟୁର ଯନ୍ତା ବା ଫାନ୍ଦ ସ୍ଥାପନ କରୁଛନ୍ତି। ଆଦିବାସୀଙ୍କ ଅଭିଯୋଗ ପାଇବା ପରେ ତେଲେଙ୍ଗାନାର ଭଦ୍ରାଦି ଅଂଚଳର ପୁଲିସ ଜଂଗଲରେ ସର୍ଚ୍ଚ ଅପରେସନ କରି ୫୮ଟି ମୃତ୍ୟୁର ଫାନ୍ଦ ଠାବ କରିଥିଲେ।
ଏହି ମୃତ୍ୟୁର ଫାନ୍ଦରେ ୩୩୫୦ଟି ସ୍ପାଇକ କାଠି ରହିଥିବା ପୁଲିସ ଜାଣିବାକୁ ପାଇଛି। ଏହାକୁ କେବଳ ସୁରକ୍ଷାକର୍ମୀଙ୍କୁ ଟାର୍ଗେଟ କରି ଯନ୍ତା ବିଛାଯାଇଥିଲେ ମଧ୍ୟ ଏଥିରେ ନିରୀହ ଆଦିବାସୀ ବଳି ପଡୁଛନ୍ତି। ତେଣୁ ସୀମାନ୍ତବର୍ତ୍ତୀ ଅଂଚଳର ଆଦିବାସୀ ଏବେ ଜଂଗଲକୁ ଯାଇପାରୁ ନାହାନ୍ତି। ଜଂଗଲରେ ଗୋଟିଏ ପଟେ ପୁଲିସର ଭୟ ଅନ୍ୟ ପଟେ ମୃତ୍ୟୁର ଯନ୍ତାରେ ଫସିବାର ଭୟ ରହିଛି।