ପୁଣି ନିର୍ବାଚନରେ ହାରିଲେ ଭାରତୀୟ ଫୁଟବଲ ଦଳର ପୂର୍ବତନ ଅଧିନାୟକ ବାଇଚୁଙ୍ଗ ଭୁତିଆ

ଗ୍ୟାଙ୍ଗଟକ୍: ଭାରତୀୟ ଫୁଟବଲ ଦଳର ପୂର୍ବତନ ଅଧିନାୟକ ବାଇଚୁଙ୍ଗ ଭୁଟିଆଙ୍କୁ ପୁଣି ଥରେ ନିର୍ବାଚନୀ ରାଜନୀତିରେ ପରାଜୟର ସ୍ୱାଦ ଚାଖିବାକୁ ପଡିଛି । ରବିବାର ସରକାରୀ ତଥ୍ୟ ଅନୁଯାୟୀ, ସେ ସିକ୍କିମର ବାରଫଙ୍ଗ ଆସନରେ ଶାସକ ସିକ୍କିମ କ୍ରାନ୍ତିକାରୀ ମୋର୍ଚ୍ଚାର ରିକ୍ଷଲ ଦୋର୍ଜୀ ଭୁଟିଆଙ୍କଠାରୁ ୪,୩୪୬ ଭୋଟ୍ ବ୍ୟବଧାନରେ ପରାସ୍ତ ହୋଇଛନ୍ତି।
ନିର୍ବାଚନ ଟ୍ରେଣ୍ଡ ଅନୁଯାୟୀ ଭୁଟିଆଙ୍କ ସିକ୍କିମ ଡେମୋକ୍ରାଟିକ୍ ଫ୍ରଣ୍ଟ ଦଳ ମାତ୍ର ଗୋଟିଏ ଆସନରେ ସୀମିତ ରହିଥିଲା ଏବଂ ବର୍ତ୍ତମାନର ସିକ୍କିମ କ୍ରାନ୍ତିକାରୀ ମୋର୍ଚ୍ଚା ୩୨ଟି ଆସନରୁ ୩୧ଟିରେ ବିଜୟୀ ହୋଇଥିଲା। ୨୦୨୪ ଏପ୍ରିଲ ୧୯ତାରିଖରେ ସିକ୍କିମ ବିଧାନସଭା ନିର୍ବାଚନ ଗୋଟିଏ ପର୍ଯ୍ୟାୟରେ ଅନୁଷ୍ଠିତ ହୋଇଥିଲା। ଯଦିଓ ସମସ୍ତ ତଥ୍ୟ ସାମ୍ନାକୁ ଆସିଛି, ତଥାପି ଆନୁଷ୍ଠାନିକ ଭାବେ ଫଳାଫଳ ଘୋଷଣା ହୋଇନାହିଁ।
ଭାରତର ଫୁଟବଲ ହିରୋ ଭୁଟିଆ ୨୦୧୮ରେ ନିଜର ହାମରୋ ସିକ୍କିମ ପାର୍ଟି ଗଠନ କରିଥିଲେ କିନ୍ତୁ ଗତବର୍ଷ ଏସଡିଏଫରେ ମିଶିଯାଇଥିଲେ । ବର୍ତ୍ତମାନ ସେ ଏସଡିଏଫର ଉପାଧ୍ୟକ୍ଷ ଅଛନ୍ତି । ଏସଡିଏଫ ହେଉଛି ସିକ୍କିମର ମୁଖ୍ୟ ବିରୋଧୀ ଦଳ ।
ସେ ପଶ୍ଚିମବଙ୍ଗରୁ ତୃଣମୂଳ କଂଗ୍ରେସ ପ୍ରାର୍ଥୀ ଭାବେ ଦୁଇଥର ନିର୍ବାଚନ ଲଢ଼ିଥିଲେ। ୨୦୧୪ ଲୋକସଭା ନିର୍ବାଚନ ଦାର୍ଜିଲିଂରୁ ଏବଂ ୨୦୧୬ ବିଧାନସଭା ନିର୍ବାଚନ ସିଲିଗୁଡିରୁ ଅନୁଷ୍ଠିତ ହୋଇଥିଲା । ତେବେ ଏହି ଦୁଇଟି ଯାକ ନିର୍ବାଚନରେ ତାଙ୍କୁ ପରାଜୟର ସମ୍ମୁଖୀନ ହେବାକୁ ପଡ଼ିଥିଲା।