ପଶ୍ଚିମବଙ୍ଗର ନନ୍ଦୀଗ୍ରାମରେ ବିଜେପି କର୍ମୀଙ୍କ ହତ୍ୟା ପରେ ପ୍ରବଳ ବିକ୍ଷୋଭ ଓ ଜଳାପୋଡ଼ା, ପୁଲିସର ଲାଠି ଚାର୍ଜ

କୋଲକାତା : ପଶ୍ଚିମବଙ୍ଗର ନନ୍ଦିଗ୍ରାମରେ ବିଜେପି କର୍ମୀଙ୍କୁ ହତ୍ୟା କରାଯିବା ପରେ ବଡ଼ ବିବାଦ ସୃଷ୍ଟି ହୋଇଛି । ବିଜେପି ପକ୍ଷରୁ ଅଭିଯୋଗ କରାଯାଇଛି ଯେ ଟିଏମସି କର୍ମୀଙ୍କ ଆକ୍ରମଣରେ ଏହାର ଜଣେ କର୍ମୀ ରତିବାଳା ଅରି ନିହତ ହେବା ସହ ଆଉ ସାତ ଜଣ ଆହତ ହୋଇଛନ୍ତି । ଏହି ଘଟଣା ପରେ ଉକ୍ତ ଅଂଚଳରେ ବ୍ୟାପକ ବିକ୍ଷୋଭ ଦେଖାଯାଇଛି । ଏହି ଘଟଣାକୁ ନେଇ ବିଜେପି ସମର୍ଥକମାନେ ପ୍ରବଳ ବିକ୍ଷୋଭ କରିବା ପରେ ପୁଲିସକୁ ଲାଠି ଚାର୍ଜ କରିବାକୁ ପଡ଼ିଛି ।
ଏହି ଆକ୍ରମଣକୁ ବିରୋଧ କରି ବିଜେପି କର୍ମୀମାନେ ବିକ୍ଷୋଭ କରିବା ସମୟରେ ଟିଏମସି ବିରୋଧରେ ସ୍ଲୋଗାନ ମଧ୍ୟ ଦେଇଛି। ଏଥି ସହିତ ଟିଏମସି ଏହି ହିଂସାକୁ ପାରିବାରିକ ବିବାଦ ବୋଲି କହୁଛି, କିନ୍ତୁ ବିଜେପି କର୍ମୀମାନେ କହିଛନ୍ତି ଯେ ଲୋକସଭା ନିର୍ବାଚନରେ ​​ପରାଜୟକୁ ଦୃଷ୍ଟିରେ ରଖି ଟିଏମସି ହତାଶ ହୋଇ ଏପରି ଆକ୍ରମଣ କରୁଛି। ଏହି ଅଞ୍ଚଳରେ ଉତ୍ତେଜନାକୁ ଦୃଷ୍ଟିରେ ରଖି ବହୁ ସଂଖ୍ୟକ ପୋଲିସ ଫୋର୍ସ ମୁତୟନ କରାଯାଇଛି। ବିକ୍ଷୋଭକାରୀମାନେ ୧୨ ଘଣ୍ଟିଆ ନନ୍ଦୀଗ୍ରାମ ବନ୍ଦ ପାଳନ କରୁଥିବାବେଳେ କେତେକ ଦୋକାନରେ ନିଆଁ ଲଗାଇଦେଇଛନ୍ତି ।