୧୬୫ କୋଟି ଟଙ୍କା ଖର୍ଚ୍ଚ କରି ପଶୁ ଡାକ୍ତରଖାନା ନିର୍ମାଣ କଲେ ରତନ ଟାଟା

କୁକୁର, ବିଲେଇ, ଠେକୁଆ ପରି ଛୋଟ ପ୍ରାଣୀମାନଙ୍କ ଚିକିତ୍ସା ପାଇଁ ଏହା ପରିକଳ୍ପନା କରାଯାଇଛି | ସେ କହିଛନ୍ତି ଯେ ପଶୁମାନେ ମଧ୍ୟ ପରିବାରର ଅଂଶ ହୋଇଥାନ୍ତି | ମୋର ଅନେକ ଗୃହପାଳିତ ପଶୁ ମଧ୍ୟ ଅଛନ୍ତି | ସେଥିପାଇଁ ମୁଁ ଏହି ଡାକ୍ତରଖାନା ପାଇଁ ବହୁତ ଆବଶ୍ୟକତା ଅନୁଭବ କଲି | ବର୍ତ୍ତମାନ ମୋର ସ୍ୱପ୍ନ ସାକାର ହୋଇଥିବାରୁ ମୁଁ ବହୁତ ଖୁସି । ଏହି ଡାକ୍ତରଖାନାର ଦାୟିତ୍ୱ ବ୍ରିଟେନର ପ୍ରସିଦ୍ଧ ପ୍ରାଣୀ ଚିକିତ୍ସକ ଡାକ୍ତର ଥୋମାସ ହିଥକୋଟଙ୍କୁ ଦିଆଯାଇଛି | ଏହି ହସ୍ପିଟାଲ ସହ ଲଣ୍ଡନର ରୟାଲ ଭେଟେରିନାରୀ କଲେଜ ସମେତ ୫ଟି ପ୍ରସିଦ୍ଧ ଡାକ୍ତରଖାନା ସହିତ ମଧ୍ୟ ଚୁକ୍ତିନାମା ସ୍ଵାକ୍ଷର କରାଯାଇଛି | ବିଶେଷ କରି ବୁଲା କୁକୁରମାନଙ୍କର ଯତ୍ନ ନେବା ପାଇଁ ଏକ ଏନଜିଓ ମଧ୍ୟ ଖୋଲାଯାଇଛି।