ଆରଏମସି ମାର୍କେଟ କମ୍ପଲେକ୍ସ ନିକଟସ୍ଥ ଵଣରୁ ନରକଙ୍କାଳ ଉଦ୍ଧାର

ଭଦ୍ରକ : ଭଦ୍ରକ ଜିଲ୍ଲା ଚାନ୍ଦବାଲି ରାସ୍ତାର ଆରଏମସି ମାର୍କେଟ କମ୍ପଲେକ୍ସ ନିକଟସ୍ଥ ଵଣରୁ ନରକଙ୍କାଳ ଉଦ୍ଧାର କରାଯାଇଛି। ଏହି ଖବର ପ୍ରଚାରିତ ହେବା ପରେ ଲୋକଙ୍କ ମଧ୍ୟରେ ଭୟର ବାତାବରଣ ଖେଳି ଯାଇଛି
ଆଜି ସକାଳେ ସ୍ଥାନୀୟ ଲୋକେ ଜଙ୍ଗଲିଆ ସ୍ଥାନକୁ ସଫା କରୁଥିଲେ। ଏହି ସମୟରେ ନରକଙ୍କାଳଟି ତଳେ ପଡ଼ିଥିବା ଦେଖିବାକୁ ପାଇଥିଲେ। ଏସଂପର୍କରେ ପୁଲିସକୁ ଖବର ଦେଇଥିଲେ।
ପୁଲିସ ଓ ସାଇଣ୍ଟିଫିକ ଟିମ ପହଞ୍ଚି ନରକଙ୍କାଳଙ୍କୁ ଉଦ୍ଧାର କରିବା ସହ ସେହି ସ୍ଥାନରୁ ଗୋଟିଏ ବ୍ୟାଗ, ପ୍ୟାଣ୍ଟ ସାର୍ଟ ଓ ଚପଲ ଉଦ୍ଧାର କରିଛି। ଏହାସହ ନରକଙ୍କାଳ ପଡିଥିବା ସ୍ଥାନରେ ଥିବା ଏକ ଗଛରେ ଦଉଡି ଲାଗିଥିବା ଦେଖିବାକୁ ମିଳିଛି। ପୁରୁଣାବଜାର ପୁଲିସ ଅପମୃତ୍ୟୁ ମାମଲା ରୁଜୁ କରି ଘଟଣାର ତଦନ୍ତ କରୁଛି। କେହି ଆତ୍ମହତ୍ୟା କରିଥିବା ସନ୍ଦେହ କରାଯାଉଛି।