ନୀତୀଶ କୁମାରଙ୍କୁ ଲାଲୁଙ୍କ ଝିଅଙ୍କ କଟାକ୍ଷ

ନୂଆଦିଲ୍ଲୀ: ବିହାର ମୁଖ୍ୟମନ୍ତ୍ରୀ ନୀତୀଶ କୁମାର ବଂଶବାଦ ରାଜନୀତିକୁ ନେଇ ଦେଇଥିବା ମନ୍ତବ୍ୟକୁ ନେଇ ଆରଜେଡି ନେତା ଲାଲୁ ପ୍ରସାଦ ଯାଦବଙ୍କ ଝିଅ ରୋହିଣୀ ଆଚାର୍ଯ୍ୟ ସୋସିଆଲ ମିଡିଆରେ ତୀବ୍ର ପ୍ରତିକ୍ରିୟା ପ୍ରକାଶ କରିଛନ୍ତି। ନୀତୀଶ କୁମାର କର୍ପୂରୀ ଠାକୁରଙ୍କ ଜୟନ୍ତୀ ଅବସରରେ ଆୟୋଜିତ ଏକ କାର୍ଯ୍ୟକ୍ରମକୁ ସମ୍ବୋଧିତ କରି ବଂଶବାଦ ରାଜନୀତିକୁ ସମାଲୋଚନା କରିବା ସହ କହିଥିଲେ, ସେ ରାଜନୀତିରେ ନିଜ ପରିବାରକୁ ପ୍ରୋତ୍ସାହିତ କରିନାହାନ୍ତି। ବିଜେପି ତୁରନ୍ତ ଏ ନେଇ କୌଣସି ପ୍ରତିକ୍ରିୟା ଦେଇନଥିବା ବେଳେ ଆରଜେଡି ନେତା ଲାଲୁ ପ୍ରସାଦ ଯାଦବଙ୍କ ଝିଅ ରୋହିଣୀ ଆଚାର୍ଯ୍ୟ ଏ ନେଇ ଏକ ଟୁଇଟ୍ କରିଛନ୍ତି।
ରୋହିଣୀ ଆଚାର୍ଯ୍ୟ ଏକ୍ସରେ ପୋଷ୍ଟ କରି ଲେଖିଛନ୍ତି, “ଅନେକ ସମୟରେ ଲୋକମାନେ ନିଜର ତ୍ରୁଟି ଦେଖନ୍ତି ନାହିଁ କିନ୍ତୁ ସେମାନେ ଅନ୍ୟମାନଙ୍କ ଉପରେ କାଦୁଅ ଫିଙ୍ଗୁଛନ୍ତି।

ଯଦିଓ ରୋହିଣୀ ଏହି ପଦରେ ମୁଖ୍ୟମନ୍ତ୍ରୀ ନୀତୀଶ କୁମାରଙ୍କ ନାମ ନେଇନାହାନ୍ତି, କିନ୍ତୁ ଏହି ପଦର ପରିପ୍ରେକ୍ଷୀକୁ ଦେଖିଲେ ସେ ମୁଖ୍ୟମନ୍ତ୍ରୀଙ୍କୁ ଟାର୍ଗେଟ କରି ଏହି ପୋଷ୍ଟ କରିଥିବା ଅନୁମାନ କରାଯାଉଛି। ଏହାପରେ ସେ ଆଉ ଏକ ଟୁଇଟ୍ କରି ଲେଖିଛନ୍ତି, ଯାହାର ବିଚାରଧାରା ପବନ ପରି ବଦଳୁଛି, ସେ ସମାଜବାଦର ପୁରୋଧା ହେବାର ଦାବି କରୁଛି।