ଘର-ଜମି କିଣିବା ପୂର୍ବରୁ କରାଇ ନିଅନ୍ତୁ ଆଧାର ସହ ପାନ ଲିଙ୍କ: ନ ହେଲେ କଟିବ ଅଧିକ ଟିଡିଏସ

ନୂଆଦିଲ୍ଲୀ  : ଭାରତୀୟ ନାଗରିକଙ୍କ ପାଇଁ ଆଧାର ଏବଂ ପାନ କାର୍ଡ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ଡକ୍ୟୁମେଣ୍ଟ। ଗତ କିଛି ବର୍ଷ ଧରି ଏହି ଦୁଇକୁ ଲିଙ୍କ କରିବା ବିଷୟରେ ସରକାରୀ ନିର୍ଦ୍ଦେଶାବଳୀ ଜାରି ହୋଇଛି। ଉଭୟ ସରକାରୀ ଡକ୍ୟୁମେଣ୍ଟ ଜଣେ ବ୍ୟକ୍ତିଙ୍କର ପରିଚୟ ଭାବରେ ଜଣାଶୁଣା। ଆଧାରର କାର୍ଯ୍ୟ ଏକ ପ୍ରକାର ପରିଚୟ ପତ୍ର ପରି। ସେହିପରି ପାନ କାର୍ଡ ଏକ ଆର୍ଥିକ ଡକ୍ୟୁମେଣ୍ଟ ଭାବରେ ଜଣାଶୁଣା। ଅଧିକାଂଶ କାର୍ଯ୍ୟ ପାଇଁ ଆଧାର ଏବଂ ପାନ କାର୍ଡ ବ୍ୟବହୃତ ହୁଏ।

ଆଧାର ଏବଂ ପାନ କାର୍ଡକୁ ପରସ୍ପର ସହିତ ଲିଙ୍କ କରିବା ଆବଶ୍ୟକ। ଯଦି ନ ହୋଇଥାଏ ତେବେ ଜମି, ଘର କିମ୍ବା ଫ୍ଲାଟ କିଣିଲେ ୨୦ ପ୍ରତିଶତ ପର୍ଯ୍ୟନ୍ତ ଟିଡିଏସ ଦେବାକୁ ପଡିବ।
ନୂତନ ଆୟକର ନିୟମ ଅନୁଯାୟୀ, ପାନ-ଆଧାର କାର୍ଡକୁ ଲିଙ୍କ କରିବା ଆବଶ୍ୟକ। ଯଦି ଏହା ନ କରାଯାଏ ତେବେ ଅଧିକ ଟିକସ ଦେବାକୁ ପଡିବ।
ଜଣେ ବ୍ୟକ୍ତି ୫୦ ଲକ୍ଷରୁ ଅଧିକ ଟଙ୍କାର ସ୍ଥାବର ମୂଲ୍ୟର ସମ୍ପତ୍ତି କିଣିଲେ, ତାଙ୍କୁ ୧ ପ୍ରତିଶତ ଟିଡିଏସ ଦେବାକୁ ପଡିବ। ଯେଉଁଠାରେ ବିକ୍ରେତା ରାଶିର ୯୯% ସରକାରଙ୍କୁ ଦିଅନ୍ତି । ଯଦି ସମ୍ପତ୍ତି କ୍ରେତାଙ୍କର ଆଧାର-ପାନ ଲିଙ୍କ ନାହିଁ, ତେବେ ତାଙ୍କୁ ୧% ଟିଡିଏସ ପରିବର୍ତ୍ତେ ୨୦% ଟିଡିଏସ ଦେବାକୁ ପଡିବ ।