ଆସନ୍ତା ୨୨ରେ ବିଧାନସଭା ଘେରିବ ବସ୍ ମାଲିକ ସଂଘ

ଭୁବନେଶ୍ବର: ଆସନ୍ତା ୨୨ରେ ବିଧାନସଭା ଘେରିବ ବସ୍ ମାଲିକ ସଂଘ । ଲକ୍ଷ୍ମୀ ବସ୍ ସେବା ଓ ମୋ ବସ୍ ଯୋଜନା ବିରୋଧ କରି ସଂଘ ଘେରାଉ କରିବ । ଦାବି ପୂରଣ ନହେଲେ ବିକଳ୍ପ ବ୍ୟବସ୍ଥା ପାଇଁ ନିଷ୍ପତ୍ତି କରାଯିବ ବୋଲି କହିଛନ୍ତି ରାଜ୍ୟ ଘରୋଇ ବସ୍ ମାଲିକ ସଂଘ ସମ୍ପାଦକ ଦେବେନ୍ଦ୍ର ସାହୁ। ବସ୍ ମାଲିକ ସଂଘର ଘେରାଉ ସତ୍ତ୍ବେ ବି ଗାଡି ଚଳାଚଳ କରିବ।

ତେଣୁ ଲକ୍ଷ୍ମୀ ଯୋଜନାରେ ବ୍ଲକ୍‌ରୁ ଜିଲ୍ଲା ସଦର ମହକୁମାକୁ ବସ୍‌ ଚଳାଚଳ ନ କରିବା, ଯେଉଁ ବ୍ଲକ୍‌ ମହକୁମାରୁ ସହରାଞ୍ଚଳରେ ଥିବା ଏନ୍‌ଏସି ପରିସୀମା ମଧ୍ୟରେ ଥିବା ଏବଂ ସେହି ରୁଟ୍‌ରେ ଘରୋଇ ବସ୍‌ ଚାଲୁଥିବ ତାହା କ୍ଷତିର ଭରଣା କରିବାକୁ ଦାବି ହୋଇଥିଲା । କ୍ଷତିଗ୍ରସ୍ତ ହେଉଥିବା ବସ୍‌ ମାଲିକମାନଙ୍କୁ ଅତିରିକ୍ତ ଏମ୍‌ଭି ଟ୍ୟାକ୍ସ ଛାଡ଼ କରାଯାଉ ବୋଲି ବୈଠକରେ ଦାବି ହୋଇଥିଲା । ଏହି ଦାବି ନେଇ ଆସନ୍ତା ୨୨ ତାରିଖରେ ରାଜଧାନୀରେ ଏକ ବିଶାଳ ସମାବେଶ କରାଯାଇ ରାଜ୍ୟ ସରକାରଙ୍କୁ ସ୍ମାରକପତ୍ର ପ୍ରଦାନ କରାଯିବବୋଲି ସଂଘ ପକ୍ଷରୁ ନିଷ୍ପତ୍ତି ନିଆଯାଇଥିଲା