ମହେଶ୍ବର ମହାନ୍ତି ଅସୁସ୍ଥ, ଆଶୁ ଆରୋଗ୍ୟ କାମନା କରି ବିଜେଡି ପକ୍ଷରୁ ସିଂହଦ୍ଵାର ସମ୍ମୁଖରେ ଦୀପ ପ୍ରଜ୍ୱଳନ

ପୁରୀର ଶତାଧିକ ମହିଳା ଓ ପୁରୁଷ କର୍ମୀମାନେ ସିଂହଦ୍ଵାର ସମ୍ମୁଖରେ ଏକତ୍ରିତ ହୋଇ ହାତରେ ଦୀପ ଧରି ମହେଶ୍ୱରଙ୍କ ଶୀଘ୍ର ସୁସ୍ଥତା ପାଇଁ ମହାପ୍ରଭୁ ଜଗନ୍ନାଥଙ୍କ ପାଖରେ ପ୍ରାଥନା କରିଥିଲେ। ମହେଶ୍ୱର ମହାନ୍ତି ଜଣେ ପୁରୁଖା ନେତା, ଜଣେ ଦକ୍ଷ ସଂଗଠକ ଓ ପୁରୀର ବିକାଶ କାର୍ଯ୍ୟରେ ତାଙ୍କର ଅତୁଳନୀୟ ଅବଦାନ ରହିଛି। ଖୁବଶୀଘ୍ର ସେ ସୁସ୍ଥ ହୋଇ ଏସବୁ କାର୍ଯ୍ୟ ପୁର୍ନବାର ସମ୍ପାଦିତ କରନ୍ତୁ ବୋଲି ପୁରୀ ସହର ବିଜେଡି ତରଫରୁ ମହାପ୍ରଭୁଙ୍କ ନିକଟରେ ପ୍ରାଥନା କରାଯାଇଛି।

ଦୁଇଦିନ ପୂର୍ବରୁ ମହେଶ୍ୱର ହଠାତ୍ ଅସୁସ୍ଥ ଅନୁଭବ କରିବାରୁ ତାଙ୍କୁ ଭୁବନେଶ୍ୱରର ଏକ ଘରୋଇ ହସପିଟାଲରେ ଚିକିତ୍ସିତ କରାଯାଉଛି। ମାଇଲଡ୍ ବ୍ରେନ୍ ଷ୍ଟ୍ରୋକ୍ ହେବା ପରେ ତାଙ୍କୁ ଭେଣ୍ଟିଲେଟରରେ ରଖି ଚିକିତ୍ସା କରା ଯାଉଥିବା ସୂଚନା ମିଳିଛି। ଗତ ଦୁଇ ଦିନ ଧରି ତାଙ୍କ ଚିକିତ୍ସା ଚାଲିଛି। ପୁରୀର ପୂର୍ବତନ ବିଧାୟକ ଥିଲେ ମହେଶ୍ବର ମହାନ୍ତି।