ଡମ୍ଫର ସହିତ ପିଟି ହେଲା ପିକଅପ୍ ଭ୍ୟାନ୍, ଦମ୍ପତିଙ୍କ ସମେତ ୪ ମୃତ
ଖବର ମୁତାବକ, ବିଧନୁ ଥାନା ଅନ୍ତର୍ଗତ ଅଫଜଲପୁର ମୋଡରେ କାନପୁରରୁ ଘାଟମପୁର ଆଡକୁ ଆସୁଥିବା ପିକଅପ୍ ଭ୍ୟାନକୁ ସାମ୍ନା ପଟୁ ଡମ୍ଫର ଜୋରଦାର ଧକ୍କା ହୋଇଥିଲା । ଏହି ଘଟଣାରେ ପିକଅପ୍ ଭ୍ୟାନରେ ଥିବା ୫୫ ବର୍ଷୀୟ ସାଦିକ ଏବଂ ତାଙ୍କ ୪୫ ବର୍ଷୀୟ ପତ୍ନୀଙ୍କ ସହିତ ଅନ୍ୟ ୨ ଜଣଙ୍କର ପ୍ରାଣ ଚାଲିଯାଇଥିଲା । ଅନ୍ୟ ୯ ଜଣ ଆହତ ହୋଇ ହସପିଟାଲରେ ଚିକିତ୍ସିତ ହେଉଛନ୍ତି । ଆହତ ହୋଇଥିବା କିଛିଙ୍କର ଅବସ୍ଥା ଗୁରୁତର ବୋଲି ଜଣାପଡିଛି । ମୃତକଙ୍କ ଶବ ବ୍ୟବଚ୍ଛେଦ ପାଇଁ ପଠାଯାଇଛି ।
ଏ ନେଇ ପୋଲିସ କହିଛି କି, ୧୧ ଜଣଙ୍କୁ ନେଇ ଯାଉଥିବା ପିକଅପ୍ ଭ୍ୟାନର ଡ୍ରାଇଭର ଏକ ଟ୍ରାକ୍ଟରକୁ ଓଭରଟେକ କରିବାକୁ ଯାଇ ଡମ୍ଫର ସହିତ ଧକ୍କା ହୋଇଥିଲା । ଫଳରେ ୪ ଜଣଙ୍କର ଜୀବନ ଚାଲିଯାଇଥିଲା । ଡମ୍ଫର ଚାଳକକୁ ଗିରଫ କରାଯାଇ ଗାଡିକୁ ଜବତ କରାଯାଇଛି ।