ଭାରତ ନାଁ ସପକ୍ଷରେ ସେହୱାଗ-ଅମିତାଭ ବଚ୍ଚନ!

ପୂର୍ବତନ କ୍ରିକେଟର ବୀରେନ୍ଦ୍ର ସେହୱାଗ କିନ୍ତୁ ଖୋଲାଖୋଲି ଭାବେ ‘ଭାରତ’ ନାଁ ସପକ୍ଷରେ ମତ ରଖିଛନ୍ତି। ସେ ବିସିସିଆଇ ସମ୍ପାଦକ ଜୟ ଶାହଙ୍କୁ ଭାରତୀୟ କ୍ରିକେଟ ଟିମର ଜର୍ସିରେ ଇଣ୍ଡିଆ ବଦଳରେ ଭାରତ ଲେଖିବାକୁ ମଧ୍ୟ ପରାମର୍ଶ ଦେଇଛନ୍ତି।

ସେ କହିଛନ୍ତି, “ମୁଁ ସବୁବେଳେ ବିଶ୍ୱାସ କରେ ଯେ ଏମିତି ଗୋଟିଏ ନାଁ ହେବା ଦରକାର ଯାହା ଆମକୁ ପୂରା ଗର୍ବିତ କରିବ। ଆମେମାନେ ଭାରତୀୟ। ଇଣ୍ଡିଆ ନାଁ ବ୍ରିଟିଶ ଦେଇଥିଲେ। ଆମର ପ୍ରକୃତ ନାଁ ଭାରତକୁ ବିଧିବଦ୍ଧ ଭାବେ ହାସଲ କରିବା ପାଇଁ ବହୁତ ବର୍ଷ ହେଲା ଅପେକ୍ଷା କରାଯାଇଛି। ମୁଁ ବିସିସିଆଇକୁ ଅନୁରୋଧ କରୁଛି ଯେ ଚଳିତ ବିଶ୍ୱକପରେ ଆମ ଖେଳାଳିମାନେ ଛାତିରେ ଭାରତ ଲେଖନ୍ତୁ।”

ଏହାପୂର୍ବରୁ ଭାରତ ଓ ପାକିସ୍ତାନ ଏସିଆ କପ ମୁକାବିଲା ବେଳେ ସେହୱାଗ ଗୋଟିଏ ଟ୍ୱିଟ କରିଥିଲେ। ୨ ତାରିଖରେ ସେ କରିଥିବା ଟ୍ୱିଟରେ #INDvsPAK ବଦଳରେ #BHAvsPAK ଲେଖିଥିଲେ। ତେଣୁ ୨ ତାରିଖରୁ ହିଁ ସେହୱାଗ ଭାରତ ସପକ୍ଷରେ ଓକିଲାତି ଆରମ୍ଭ କରିଥିଲେ।