ପ୍ରଶାନ୍ତ ଜଗଦ୍ଦେବ ବିଜେପିରେ ସାମିଲ ହେବା ଦାବିକୁ ଖାରଜ କଲେ ପୃଥ୍ୱୀରାଜ
ଭୁବନେଶ୍ୱର: ବିଜେଡି ସାଂସଦ ସସ୍ମିତ ପାତ୍ର ପରୋକ୍ଷରେ ଇଙ୍ଗିତ କରିଛନ୍ତି ଯେ ବିଧାୟକ ପ୍ରଶାନ୍ତ ଜଗଦ୍ଦେବ ବିଜେପିରେ ସାମିଲ ହୋଇପାରନ୍ତି। ଆଉ ଦଳର ଏହି ପୂର୍ବତନ ବିଧାୟକଙ୍କୁ ସସ୍ମିତ ପାତ୍ର ପରୋକ୍ଷରେ ସମାଲୋଚନା କରିବାକୁ ଭୁଲି ନାହାନ୍ତି। ଏହାପରେ ମଙ୍ଗଳବାର ଓଡ଼ିଶାରେ ଶାସକ ବିଜେଡିକୁ କଡ଼ା ସମାଲୋଚନା କରିଛି ବିଜେପି।
ବିଜୁ ଜନତା ଦଳର ନେତାଙ୍କ ଲୋକପ୍ରିୟତା ହ୍ରାସ ପାଇବା ପରେ ଏବେ ବିଜୁ ଜନତା ଦଳ ସମସ୍ୟାରେ ପଡ଼ିଥିବା ଦାବି କରି ଭାରତୀୟ ଜନତା ପାର୍ଟିର ବରିଷ୍ଠ ନେତା ପୃଥ୍ୱୀରାଜ ହରିଚନ୍ଦନ ଭୁବନେଶ୍ୱରରେ ଗଣମାଧ୍ୟମକୁ କହିଛନ୍ତି ଯେ, ମୁଖ୍ୟମନ୍ତ୍ରୀଙ୍କ ପାଇଁ ମଧ୍ୟ ସମସ୍ୟା ବଢ଼ି ଯାଇଛି।
ମୁଖ୍ୟମନ୍ତ୍ରୀଙ୍କ ରେଟିଂ ହାର ଗୋଟିଏ ବର୍ଷରେ ୨୨ ପ୍ରତିଶତ ହ୍ରାସ ପାଇଥିବାରୁ ବିଜେଡି ସରକାର ମଧ୍ୟ ସମସ୍ୟାରେ ପଡ଼ିଛି ବୋଲି ବିଜେପି ନେତା ଦାବି କରିଛନ୍ତି। ଏହି କାରଣରୁ ସେମାନେ ଜଣେ ସରକାରୀ ଅଧିକାରୀଙ୍କୁ ଶାସକ ଦଳର ନୂଆ ଚେହେରା ଭାବେ ରାଜ୍ୟରେ ଭ୍ରମଣ କରାଇ ଦେଉଛନ୍ତି ବୋଲି ସେ ଦାବି କରିଛନ୍ତି।
କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ସହ ଆଲୋଚନା ପରେ ବିଜେଡିରୁ ବହିଷ୍କୃତ ପ୍ରଶାନ୍ତ ଜଗଦ୍ଦେବ ବିଜେପିରେ ଯୋଗ ଦେବା ନେଇ ସାଂସଦ ସସ୍ମିତ ପାତ୍ରଙ୍କ ଦାବିକୁ ଖଣ୍ଡନ କରିଛନ୍ତି ବିଜେପି ନେତା।
ସସ୍ମିତ ପାତ୍ରଙ୍କ ବକ୍ତବ୍ୟକୁ ଭିତ୍ତିହୀନ ବୋଲି କହିଛନ୍ତି, ବିଜେଡ଼ିରୁ ବହିଷ୍କୃତ ନେତା ବିଜେପିରେ ଯୋଗଦେବା ନେଇ ଉଭୟ ଜଗଦ୍ଦେବ ଓ ଧର୍ମେନ୍ଦ୍ରଙ୍କ ମଧ୍ୟରେ କୌଣସି ଆଲୋଚନା ହୋଇନାହିଁ ବୋଲି ସେ କହିଛନ୍ତି।
ବିଜେପି ନେତା ସସ୍ମିତ ପାତ୍ରଙ୍କୁ ଏଭଳି ବୈଠକର ପ୍ରମାଣ ଦେବାକୁ ଚ୍ୟାଲେଞ୍ଜ କରିବା ସହ ବିଜେଡି ସାଂସଦ ତୃତୀୟ ମହଲାର ନିର୍ଦ୍ଦେଶରେ ଏଭଳି ଦାବି କରୁଥିବା ଅଭିଯୋଗ କରିଛନ୍ତି।
ଉଲ୍ଲେଖଯୋଗ୍ୟ, ପ୍ରଶାନ୍ତ ଜଗଦ୍ଦେବ ବିଜେପିରେ ଯୋଗ ଦେଇପାରନ୍ତି ବୋଲି ସୋମବାର ସସ୍ମିତ ପାତ୍ର କହିଥିଲେ। ଧର୍ମେନ୍ଦ୍ରଙ୍କ ‘ଶଶିକଳା ସିଣ୍ଡ୍ରୋମ’କୁ ନେଇ ପ୍ରତିକ୍ରିୟା ରଖି ସସ୍ମିତ ପାତ୍ର କହିଥିଲେ ଯେ ବିଜେପି ନେତାଙ୍କୁ ଆକ୍ରମଣ କରିଥିବାରୁ ନବୀନ ପଟ୍ଟନାୟକ ଜଗଦ୍ଦେବଙ୍କୁ ନିଲମ୍ବିତ କରିଥିଲେ ଏବଂ ପରେ ତାଙ୍କୁ ମଧ୍ୟ ବିଜେଡିରୁ ବହିଷ୍କାର କରିଥିଲେ। ତେବେ ସେହି ଜଗଦ୍ଦେବ ଏବେ ଧର୍ମେନ୍ଦ୍ରଙ୍କ ଆଶୀର୍ବାଦ ନେଇ ବିଜେପିରେ ଯୋଗଦେବାକୁ ଯାଉଛନ୍ତି ବୋଲି ବିଜେଡି ସାଂସଦ ଦାବି କରିଥିଲେ।
Post Views: 7