ଆଜି ମାଆ ଶ୍ୟାମାକାଳୀଙ୍କ ପୂଜା, ବିଭିନ୍ନ ସ୍ଥାନରେ ସଜେଇ ହୋଇଛି ପୂଜା ମଣ୍ଡପ

ଆଜି ପାଳିତ ହେବ ମାଆ ଶ୍ୟାମାକାଳୀଙ୍କ ପୂଜା  ଏଥିପାଇଁ ପଲ୍ଲୀରୁ ସହର ବିଭିନ୍ନ ସ୍ଥାନରେ ପୂଜା ମଣ୍ଡପ ସଜେଇ ହୋଇଛି । ମାଆ କାଳୀଙ୍କ ମନ୍ଦିରରେ ସ୍ବତନ୍ ର ପୂଜାର୍ଚ୍ଚନା ଚାଲିଛି । ବ୍ରହ୍ମପୁରର ନୂଆ ବସ ଷ୍ଟାଣ୍ଡ, ବିଜିପୁର, ଆମ୍ବପୁଆ ଆଦି କାଳୀ ମନ୍ଦିରରେ ପୂଜା ଚାଲିଥିବା ବେଳେ ଖୋଡାସିଂ, ଆଂକୁଲି, ଗୋଶାଣୀନୁଆଗାଁ, ବଡ଼ବଜାର, କୋର୍ଟପେଟା ଛକ ପୂଜା ମଣ୍ଡପ ରେ ମାଆଙ୍କ ପୂଜା ଆରମ୍ଭ ହୋଇଛି ।

ସେପଟେ ରାଜଧାନୀ ଭୁବନେଶ୍ୱରରେ ମଧ୍ୟ କାଳୀପୂଜା ଲାଗି ବିଭିନ୍ନ ମଣ୍ଡପରେ ଶେଷ ହୋଇଛି ସମସ୍ତ ପ୍ରସ୍ତୁତି । ସତ୍ୟନଗର ସ୍ଥିତ ମାଆ କାଳୀଙ୍କ ପୀଠରେ ସ୍ୱତନ୍ତ୍ର ପୂଜାର୍ଚ୍ଚନାର ଆୟୋଜନ କରାଯାଉଛି ।  ଏଠାରେ ୧୦ ଦିନ ଧରି ପୂଜାର୍ଚ୍ଚନା ଚାଲିବାକୁ ଥିବା ବେଳେ ୧୦ଟି ବେଶରେ ଦର୍ଶନ ଦେବେ ମାଆ । ସେହିପରି ବରମୁଣ୍ଡାରେ ମାଆ ଶ୍ୟାମାକାଳୀଙ୍କ ପୂଜାର୍ଚ୍ଚନା ସହ ବିଶ୍ୱଶାନ୍ତି ମହାଯଜ୍ଞ ଆୟୋଜିତ ହେଉଛି ।